المشاركة الأصلية كتبت بواسطة وهج المشاعر

شكرا لك ياسكون الموج على الموضوع

انا خلصت جامعة ولله الحمد والحين اخذ دورة كمبيوتر

والله المواقف كثيرة مرة منها المحزن ومنها المفرح

انا ابقول لكم على موقف صارلي في ثالث ثانوي

مدرسة الفيزياء الي تدرسنا ولدت >>>>>>>>>>يعني جابت ولد
فجاتنا معلمة منتدبة وسبحان الله كان الاختيار على بنت عمتي هي مدرسة فيزيا في مدرسة ثانية
المهم البنات كانوا يقولون خليكي مؤدبة مع بنت عمتك >الحمد لله مؤدبة على طول


المهم جاء ذاك اليوم وقالت بكرة تسميع وكان اسهل مافي الدرس التعريف اما التعداد والشرح كان شوي صعب(نسيت الدرس بصراحة )
المهم جينا في اليوم الثاني والبنات يذاكرون قالوا لي :ذاكرتي؟
قلت لهم :(وانا امزح معاهم):ذاكرت بس الابلة اتصلت على امس وقالت لي ياوهج لاتذاكرين الا التعريف ,وقلت لها طيب
قالوا البنات :صادقة ؟
قلت :لا امزح معاكم تخيلوا تسويها

المهم دخلت المعلمة الي هي بنت عمتي وبدأت تسال البنات
ولما جا دوري قالت لي: وهج سمعي التعريف
والله لايوريكم البنات جلوسا يضحكون
المهم سمعت وجلست وهي ماتدري وش السالفة

سبحان الله

ايش رايكم في الموقف