بسم الله الرحمن الرحيم
السلام عليكم ورحمة الله وبركاته
حبيباتي عضوات المنتدى
أحتاج مساعدتكم في أفكار بعد أيام قليلة أتم السنتين على زواجي
محتاجة أفكاركم و فزعتكم فأسرع وقت محتارة شسوي ليلة لزوجي وش أهدي له بهذه المناسبة
لا تبخلون علي تكفون:thinking: :thinking: :thinking:

الله يديم عليكم المحبه والموده وكل سنه وانتو بصحه وعافيه

الهدايا كثيره
ممكن جوال
او برواز زجاج تكتبين عليه ابيات شعر خاص بالمناسبه الطشيها من اي منتدى للشعر وتحطينها في صندوق مخمل احمر
او ساعة يد
او عطر جديد

وطبعا ذيك الليله زيني البيت وبخريه واستعدي باللبس والصبغه الجديده او قصة شعر جديده يعني شئ جديد

هذا اللي عندي الحين
والله يحرسكم ويحميكم شر الحاسدين

اولا حبيبتي الف مبروك وانشاء الله الله يديم امبينكم المحبه والموده ولا يفرق امبينكم اي شريك وتمون مع بعض العمر كله

اختي قبل ذكرى زواجج بيومين سويلج حمام مغربي او سكرب كامل للجسم
وقبل الذكري بيوم حفي جسمج و سوي تنظيف بشره وكل التنظيفات و الامور الازمه كانج عروس

الحين ينا للهديه اشتري له محفظه و قلم وساعه وعطر
طلعي كل الاشي من علبته و حطيهم بشكل حلو في صندوق مزين بالورود الطبيعيه او المجففه
وحطي كرت او رساله كتبتي فيها كلمات حلوه من عندج او سو فكرة الخزامى
برواز زجاج تكتبين عليه ابيات شعر خاص بالمناسبه

بس لاتقدمين له الهديه في ذيك الليله

وشتري شريط اللي يلفون به الهدايه




في نفس اليوم اريدج تتفقين مع زوجج انه ما يجي البيت الا الساعه اللي انتي تحددينها زين

بعد ما يطلع العصر من البيت
اولا حضري شو بتسوين للعشاء ولا تنسين ان عشاج يتضمن المقبلات
والخبز وطبعا الطبق الرئيسي و الحلويات و العصير
و جهزي الطاوله كانج في مطعم ولا تنسين الشموع
بعدها نظفي البيت
بعدين جهزي العشاء
بعدها روحي غرفتج و بدلي لحاف السرير
و بعدين ادخلي الحمام و خذيلج دش سريع
و بعد ماتخلصين رشي جسمج بعطر فواكه او اي عطر اتحبينه
وبعدها نشفي شعرج و تمكيجي مكياج خفيف جدا و سرحي سعرج تسريحه بسيطه من دون ما تستعملين السبير يعني مثبت الشعر
وبعدها البسي اللتبينه و تعطري وادخني ولا تنسين اتعطرين الفراش و دخنين البيت
و جي انتي بتكونين جاهزه واتصلي في زوجج وساليه كم يباله لين ما يوصل
اذا قالج نص ساعه روحي و سخني العشاء و اغرفيه و حطي الاكل على الطاوله ودخلي غرفج و اربطي نفسج بشريط الهدايا
بس لا طلعين هديج لانج انتي اصلا الهديه
ويوم يوصل كبعا هو بفكج من اللفاف ..................................الخ
وفي اليو الثاني حاولي تصحين قبله و جهزيله الفطور بطريقه انه يقدر يتريق على السرير ولاتنسين اتحطين هديتج مع الفطور

هذي فكرتي وان شاء الله تعجبج
و بالتوفيق





السموحه

مشكورة أختي الخزامى يعطيك العافيه عجبتني كثير فكرة البرواز وإن شاء الله بنفذها
وأنت بعد أختي أم سلطان أشكرك لإهتمامك وإن شاء الله بنفذ أفكارك الحلوه
حبيت أسألك و اثقل عليك شوي ودي أعرف وشو (سكرب الجسم )ما أعرفه ؟
أخيراً بقول لكم شئ تحملوني الله يجزاكم الجنة
هديت زوجي مره جوال ، وثانيه عطر و محفظه وآخر مره هديته بالعيد قلم ......:o
لاتقولن مصختها !!!!!!!إذا تتذكرون هديه ثانيه دلوني تعرفون هدايا الرجال محصوره.......:o
الله لايحرمنا طلتكم ، ويوفق بين كل زوجين و لا يغير عليهم

ممكن تهدينه

غتره نوع ممتاز :p

او

تكرمين جزمه او بيجامه حريررررررررررر :p

او

عقال

بس تصدقين

احلى هديه



هي













شوفتك وانتي مبتسمه تنتظرينه



تحياتي لك :o

اختي السكرب هي علبه فيها ماده شكل الكريم وفيها حبيبات اتساعد على تقشير البشره بلطف و تساعد على انها اطلع الشعر اللي تحت الجلد قبل ما تحفين

ألف ألف شكر لكم

حبيباتي :
الخزامى و أم سلطان

أسأل الله أن ييسر أموركم و يعظم أجوركم

آميييييييييييييييييييين