السلام عليكم ورحمة الله وبركاته
شحالكم خواتي
أمس ولمن كنت في مركز الاسنان شفت كتيب على الطاولة وشليته وقريته
ومر علي هذا الحديث
«عن ابن عمر رضي الله عنه عن النبي صلى الله عليه وسلم قال: «من لبس ثوب شهرة البسه الله يوم القيامة ثوبا مثله، ثم تلهب فيه النار»

=
وهذا اللي دارج بينا احين تفصل الوحدة فستان 5000 وماتلبسه الا ساعتين
وينعق في الكبت وكل اللي في خاطرها ان الكل يسألها من وين فصلتيه وبكم فصلتيه
والله ماتعرفون كيف اثر فيني هذا الحديث
مع اني الحمدلله ماخيطت شي بهذي القيمة ... يمكن اجرت حق ليلة عرسي فستان ب2000 درهم ولين احين ندمانة فستنان مالحقت البسه الا ساعة وقاعدة فيه ليش
والله انه الاسراف بعينه لايرضي الله ولارسوله
انا من نوعي احب التغيير وايد وامل من اللبس بسرعة
اروح عند خياط عادي واقوله الموديل اللي ابيه وافهمه يمكن الكندورة اشوفها ب300 درهم مثلا
اشتري قطعة واخيطها ماتكلفني حتى 100 درهم
بنات اثرت فيكم الموضة وكلام الناس وكل وحدة تبغي تتباهى في لبسها قدام الكل
وتتفاخر انه بالشيء الفلاني
وفستان عرسها ب50 الف وفوق وماادري على شو والفستنان مايستاهل
شوفو الفساتين اللي دايما تنعرض لنا
اقول لو اوديه الخياط مابيكلفني 400 درهم
والمشكلة اللي تتدين عشان فستان القهر بتموتين منو بيدفع عنج
العلماء قالوا هذا من السفه
حتى اللي ماعنده عشان يزوج لايتزوج
==================

لباس الشهرة
ان لا يكون لباس المرأة لباس شهرة، تقصد به صاحبته الترفع على الناس والاختيال عليهم والتمييز بحيث يجلب انتباه الناس وانظارهم اليها وتختال عليهم صاحبته بالعجب والتكبر، فقد روى ابو داود في سننه «عن ابن عمر رضي الله عنه عن النبي صلى الله عليه وسلم قال: «من لبس ثوب شهرة البسه الله يوم القيامة ثوبا مثله، ثم تلهب فيه النار» وفي رواية اخرى لابي داود «البسه الله ثوب مذلة» وقد تكون الشهرة باللباس النفيس او بالخسيس الرديء كما لو لبس الانسان ما يخالف ملبوس العامة من الفقراء ليعتقدوا فيه الزهد والصلاح.

وهذا لا يمنع ان تلبس المرأة اللباس الحسن الجميل ما دامت لا تقصد الشهرة والترفع على الناس فقد قال شيخ الاسلام ابن تيمية رحمه الله: «من لبس جميل الثياب اظهارا لنعمة الله واستعانة على طاعة الله كان مأجورا».
وان يكون صفيقا إي ليس رقيقا إي آن لا يكون شفاف , لقوله صلى الله عليه وسلم : ( سيكون آخر آمتي نساء كاسيات عاريات على رؤوسهن كاسمنة البخت العنونهن فإنهن ملعونات ) ولا يكون مجسد لهيئة الجسم وهذا اللي احين دارج بنات حتى بين الحريم مايجوز
لان وايد من الحريم الله يهديهن تروح الوحدة تقول حق ريلها انا والله ابا نفس فستان فلانة كان موديلها جذي وجذي وياسلام الريال يتخيل الحرمة قدامه
وبعد في نساء يفتنون بهذي المناظر
=============
والقهر الاكبر اللي تروح وتتمكيج ب5000 و6000 ليش حرام عليج والله في رياييل يكرفون كرف
ومايطلع راتبهم جي اخر الشهر مساكين
وهذي باردة مبردة تاخذ على الزبونة هاالسعر ليش المكياج في ذهب والله منتهى الاستغلال
ما ادري شو في المكياج غير عن اللي تدفع 100 درهم

بنات خافوا الله في هذي الفلوس اللي تدفعونها حق اشياء ماتستاهل
الله بيسألكم عنها يوما القيامة لان المرء يسأل عن ماله من اين اكتسبه وفيما انفقه

والله يابنات انا مو قصدي شي غير اني ابي لكم الخير
وربي ينجينا وايكم من حر جهنم
ويرينا الحق

والسموحة

جزااكي الله الجنه اختي الغاليه

شكرا لكى اختى
و بارك اللة فيكى

صدقتي اختي ......... الله يجزيج الف خير

صح الله لسانج وبارك الله فيج على هالنصيحة الغالية

فعلاً موضوع الاسراف صار فظيع وملفت

والقهر يوم اشوف البنات يتفاخرون كل وحدة بكم سوت وكم خسرت !!

بالنسبة لي الحمدلله دايما ً أحب اشتري في حدود المعقول

وحتى بعد ما ألبسه ، أحاول إني ألبسه مرة ثانية في مناسبات أخف

ويوم أسمع وحدة تدور على فستان ما أبخل عليها فيه ، لأنه باقي في الكبت وبدون لبس

بارك الله فيك يا حبوبه

مشكوررررة

على الموضوع الي يستحق التقدير

وصراحة الوضع ما ينسكت عنة حيث كثر في الاونة الاخير
مادم ان الله مغنيك تصدقي على المحتاجين مو تفصلين بالالف المالف والحمد الله ماقد شريت فستان اغلى من الف ويكون الوانة روعة والكل يسال عنة وبكم

السلام عليكم ورحمة الله وبركاته

مشكورة أختي الغالية ...... فعلا أنا لاحظت اذا تكلفت على الفستان مرة وصرفت علية كثير سبحان الله أحرم إياه

وبالنهاية لا يعجبني ... أما اذا كان معقول ولله الحمد .... أتمسك فيه أكثر .....

بارك الله فيك وما قصرت