طبخات عزوزه وبالصور ان شاء الله تعجبكم

**ام نونـا** · 09-06-2006, 11:26 PM

[align=center]

مره ثانيه هذي طبخات لاخت زوجي عزوزه فيه طبخات من اجتهادها وطبخات من المنتدى وان شاء الله تعجبكم

الكابتشينو

فنجان قهوه نسكافيه
فنجان قهوه سكر
فنجان شاي ماء

تخلط بالبراون حق الكابتشينو ( لماتشترين براون خلي الكبيره للبصل والصغيره للكوفي )

تسخنين الحليب حليب قليل الدسم المهم المراعي او الصافي ماحب النيدو

وتحطي ملعقه من الخلطه بالكوب ثم تضيفي الحليب وتحطي على الوجه نسكافيه او كاكاو بودره

اذا تبغي مثل الفنادق ترى يحطون قرفه

وياسلام عليها الصبح شي قبل الدوام ...وممكن وضع الخليط بالثلاجه او بالفريزر

وهذي الصور

وهذا تطبيقي صورة عزوزه ماكانت واضحه فطبقته ونزلت الصوره

**ام نونـا** · 09-06-2006, 11:27 PM

الكباب

المقادير

الصلصه
1 بصل مفروم وثوم ( نص للصلصه ونص للكباب)
صلصه
1طماطم مطحونه
بهارات مشكله ناعمه
2 فلفل اخضر
ملح + ملح ليمون
زنجبيل اخضر مطحون ( على حسب الرغبه)
كزبره مفرومه مع حبه ثوم غير اللي مع البصل

الكباب
لحم مفروم احلى شي لحم الحاشي الصغيير
بصل + ثوم من اللي باقي من الصلصه
كزبره وبقدونس مفروم
تضعيهم كلهم وتخلطيهم زين بعدها تحطي ملح وفلفل اسود وكمون
وبعدها تصلحيه مثل الصوره
واحلى شي ماياخذ وقت يعني لو ماتبغي تطبخي سويه

بعد ماتصلحي الصلصه اول شي البصل والثوم وبعدها الصلصه والبهارات ثم الطماطم والفلفل تخليهم يتسبكو وبعدها ترصي لاهنتي الكباب وخلاص تخليهم الين مايستوي اللحم ثم تطفي النار عليه

وهذي الصور

**ام نونـا** · 09-06-2006, 11:27 PM

المكرونه بالباشاميل

لحم مفروم وطبعا الحاشي
1 بصل وثوم مفروم
جزره مبشوره
نصف فلفل بارد مفروم
1 فلفل اخضر حار ... عاد اخت زوجي تموووووت بالفلفل
صلصه
كزبره مفرومه
ملح+ فلفل اسود + كمون + زعتر بري
ليمون او ملح ليمون الموجود

طبعا اول شي تحطي البصل والثوم ثم اللحم وتضبطيه الين ما تنشف الحمه ثم تحطي الفلفل والجزر وتحركي ثم البهارات والصلصه واخر شي اليمون والكزبره

الباشميل

زيت أو زبده ما تفرق الجود بالموجود
5 ملاعق دقيق تخلطيه بعد مايسخن الزيت شوي
كوبين حليب انا احط قليل الدسم ممكن تحطو بودره وتحليه بمويه
وتخلطي واذا كانت ثقيله ممكن تزودي مويه براحتك
تحطي الملح والفلفل الاسود والكمون .. واللي يبي يحط فلفل ابيض بكيفه بس انا مايعجبني

وقبل لاتطفي تحطي بيضه وتخلطي عدل
وتحطي بعد جبنه مراعي مثلثه ( ماحب جبنه الكاسات) رجيتكم احب وما احب

والسر يكمن في اني احطها بعد كذا بالخلاط تطلع شي والله على اصوله

ماهو تقولون ماضبطت عشان كذا خلطتها لا والله بس الخلاط يخليها سايله يعني لو تحبي المكرونه تبرد تجيك الباشميل متماسكه
واذا تحبيها حاره تطلع سايحه شي يدوخ

وهذي الصور واعذروني لو ماهي واضحه

**ام نونـا** · 09-06-2006, 11:28 PM

حلى التويكس

من الاخت ســارينا .. بمنتدى عالم حواء

نبدأ بالقادير والطريقه

أولا: (الطبقة الأولى)

علبة ونص بسكوت لو الفرنسي مطحون

3 ملاعق قشطة

اصبع زبده

تعجنينهم مع بعض وتفردينهم بصينية بايركس بيضاوية او مستطيلة

ثانيا: (الطبقة الثانية)

4 تويكس او خمسه (تويكس ابو اصبعين << )

علبة قشطة

6 حبات جبنة كيري << اوقات تطلع براسي واحط 8 حبات

واحد كريم كراميل

وتحطينهم بالخلاط وبعدين تحطينهم فوق الطبقة الاولى

ثالثا: (الخطوط البيضاء)

عبارة عن دريم ويب وحليب نستله

ولا تسألوني المقدار بالضبط لأني احط اي شي

اهم شي يطلع ثقيل شوي

بس تقريبا تقريبا علبة نستلة الصغيره مره وثلاث ارباع كيس الدريم ويب او النص

اخلطيهم مع بعض بالملعقه

وبعدين حطيها بكيس بلاستيك وقصي الطرف بالمقص

تكون فتحة مره صغيرة عشان تطلع الخطوط رفيعه مو سميكة

وبعدين سوي دوائر على الصينية البيضاوية او خطوط طولية اذا الصينية مستطيلة

وبعد ما تسوين الدوائر جيبي السكين

بالنسبة للصينية البيضاوية سوي اول خطوط تبدأ من منتصف الصينية وتنتهي عند الاطراف

واتركي بينهم مسافه عشان تسوين خطوط بالعكس

واذا انتهيتي سوي خطوط عكسية تبدأ من الاطراف وتنتهي بالنص

**ام نونـا** · 09-06-2006, 11:29 PM

حلى لي لي

وهذا نفس كلامها

نحتاج باكتين ونص كيك سويس رول شوكولاتة
2- شوكولاتة سنكرز كبير

:: الصوص ::

1- علبة قشطة
1- باكو زبدة صغير مذوبة ع النار
2- ملعقة كبيرة حليب بودرة
2- ملعقة كبيرة سكر
2- ملعقة كبير كاكاو بودرة
كلهم في خلاط العصير

والآن الطريقة

اول شي تجيبين صينية الكيك المجوفة من الوسط وتلبسينها بالبلاستيك علشان يسهل علينا قلب الحلى بعدين
بعدين تقطعين السويس رول حلقات وتقطعين السنكرس قطع صغيرة والأفضل انك تحطينه بالثلاجة قبلها علشان يتقطع وهو مرتب ومايذوب عند التقطيع
بعد كذا ترصين حلقات السويس رول في الصينية
بعدين تحطين نص كمية قطع السنكرس
بعدين تصبين نص كمية الخليط فوق السنكرس
بعدين تحطين حلقات السويس رول كـ فاصل بين الطبقتين
بعدين تحطين النص الثاني من السنكرس فوق السويس رول
والنص الثاني من الخليط
والمفروض آخر شي احط سويس رول بس بصراحة خلصت الكمية اللي عندي
يعني اذا سويتوها لازم تحطون علشان لما نقلبها تصير الطبقة اللي تحت سويس رول مو خليط
بس بعد ماطلعتها من الثلاجة حسيت انه يبيلها فريزر مو ثلاجة وحطيتها في الفريزر
وطلعت امممممممممم طعم يجننننن ومتماسكة وبااااااردة زي الآيسكريم

زاد على من خلطة حلى التويكس وزينت فيه الحلى

**ام نونـا** · 09-06-2006, 11:29 PM

لازانيا

على طريقة ام نونا .... انا حاطه الموضوع بعالم حواء لكن بحطه هنا بنفس الموضوع

وهذي صور موضوعي

انا عملت اصداف
وعزوزه الشرائح

تسلقي المكرونه

طبعا بمويه وزيت وملح
وتصفيها
ترصيها بالصينيه وياريت بايركس بس جنب بعض
تسوي اللحمه المفرومه
بصل مفروم وتحمسينه وتحطي اللحمه وتحسيها وتحطي (اختياري)فلفل رومي مقطع صغار وجزر مبشور وتحمسينها مزبوووووط وتحطي صلصه وبهار وملح وتحركي وتحطي شوي مويه
تسوي صلصه بيضاء : زيت وتحطي الدقيق وتحمسي وتضيفي الحليب وتحركي اللين ماتثقل وتحطي ملح وفلف وكمون وملعتين او 3 جبن كاسات والافضل كرافت
تحطي اللحمه في داخل الاصداف (المكرونه)بس لا تكثري ورشي جبن موزيريلا
وصبي الصلصه البيضاء
وحطيها بالفرن من تحت وحمريها من فوق

**ام نونـا** · 09-06-2006, 11:30 PM

الكشري

على طريقة دون وهذا الرابط
اكلات مصريه للغاليه دينا (اكلات مصريه للغاليه دينا .. منقوله)

ملفوف

نفس طريقتي بالمحشي بس من غير لحم وهذا الرابط
محشي ام نونا (محشي ام نونا وصل .. وبالصور)

**ام نونـا** · 09-06-2006, 11:31 PM

سلطه بطاطس

تقشري البطاطس احلى لو كانت صغيره وتسلقيها مع نص حبه ماجي نصف سلقه

وبعدين تقليها بقليل من الزيت الين تحمر

الصوص علبه لبن زبادي وملعقتين مايونيز ونص ثوم مفروم وشويه بقدونس وملح وليمون وفلفل اسود

تحطيهم على وجهه البطاطس

فاصوليا خضراء

على طريقة ام نونا

وهذا الرابط
فاصوليا خضراء (فاصوليا خضراء وسهلللللللللله وبالصور)

بس عزوز شكلها حاطه جزر مبشور انا سألتها بس لسه ماردت علي ./

[/align]

أم العلاء · 10-06-2006, 03:40 AM

ما شاء الله .. طبخات شكلها يجنن
تسلم الأيادي .. حبيبتي om nona .. و الغالية عزوزه

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق