السلام عليكم ورحمة الله وبركاته

شوفوا يا بنات انا جاية الرياض مع زوجى وعايزة اماكن حلوة للخروج واماكن حلوة لبيع العطور و

اللبس والاحزية والزيوت الخاصة بالجسم والشعر والحناء وعايزة اجيب مسك ودهن عود و اماكن لرسم الحناء

عايزة كل حاجة بالتفصيلللللل وجزاكم اللة خيرا

وعليكم السلام ورحمة الله وبركاته

هلا أختي أتمني من خواتي اللي عندها معلومات تفيدك وحياكي الله..

توصلين باسلامه ان شالله الاماكن الحلوه مركز غرناطه مره روعه وفيه محل ساكس في برج المملكه كل المكياجات والعطور عندهم واذا تبغين زيوت الجسم والحنا والمسك روحي سوق وشيقر في حي الديره كل شي عندهم من زيوت ودهن عود وكل الي تبغينه هو شوي شعبي بس عنده هذي الاشياء الي تبغينها وارخص من كل الاسواق في الرياض واتمنى اكون افتك

فيه عندك صحارى الدور الارضي محلات والدور الاول مطاعم والعاب للاطفال

وفيه قرية الثمامه شاليهات مع العاب للاطفال

وعلى العموم الثمامه مليانه منتزهات

جزاكم الله خيرااااااااا بجد معلومات ممتازة

انا نسيت اقولكم كمان انا عايزة اماكن بيع الملابس التركى

ومشكورات حبيباتى

الرياض كلها منتزهات واسواق

بتنبسطين يالغلا هناك

هلا وغلى حياك الله عيوني في الرياض من عيوني اعلمك من طقطق لين السلام عليكم المنتزهات عندك طريق الثمامه انواع واشكال الشاليهات اللي تبرد القلب انتي روحي على هالطريق وطبي واختاري وفيه منتزهات نسائيه مثل الحكيرلاند وستار ستي هذي على طريق الدائري الشرقي وتولان والبراجون على طريق الملك فهد الله يرحمه ويغفرله وبالنسبه للأسواق عندك العثيم مول وصحارى الرياض وسيتي بلازا والأندلس ورويال سنتر والعطورات والزيوت من شارع السويلم ماعندك بأرخص منه وأزين وأن كان مادليتيه وقفو واحد من هالموزينات يدلكم تراهم طيبين ويحبون الفزعه وكانك تبين محلات اطفال وقمصان النوم روحي للهرم على طريق العليا العام تهبببببببببببل ورخيصصصصصصصصصصصصه وان كان ودك تسيرين ياهلا ومرحبا البيت بيتك والرياض ديرتك

حياك الله في بيتك الثاني

يسعدنا زيارتك لرياض باريس العرب

ياااقلبي في الرياض افخم محلات تسواق عندك العلياء فيها العويس برج المملكه فيه قسم نسائي متكامل

برج الفيصليه برج الموسى فيه كل ماتتمنين تحت صقف واحد

عندك شاليهات الثمامه وشاليهات النخيل وشاليهات غرينلاند ومدينة الثلاج ومنتزه الحكير والكثير

نتمنى لك اوقات سعيده في ربوع الرياض

تحية لك

ماشاء الله البنات ماقصروا