مرحبا خواتي

باذن الله انا وعايلتي وعايلة زوجي راح نسافر بالبر للسعوديه

لو تقدرون تدلوني على الاماكن السياحيه والطبيعيه خاصة لاننا عايله كبيره ونريد جلسات عائليه

يعني اماكن الجبال والمنتجعات البحيرات منتزهات مطاعم عائليه احسن الشقق ووووووو

في شلالات بالسعوديه ؟؟ ووين؟؟

خاصه في محافظة عسير

بنات انا سرت ابها السنه الماضيه هي تجنن بس كنا متخربطين شوي
سرنا المنتزهات كلها تقريبا بس حسينا اننا بعد في اشيا ما شفناها

وياريت يا بنات لو تعرفون موقع في خريطه مفصله عن السعوديه واهم الاماكن السياحيه

شو بالنسبه للطائف شو فيها ؟؟ لاني سمعت ناس يقولون حلوه ؟؟؟
وجده ؟؟؟ ياترى جده بس بحر ومراكز تسوق وحدائق للالعاب؟؟ يعني زي دبي؟؟ ولا فيها اشياء ثانيه؟؟

ابي منكم مساعده بسرعه ارجوكم لاننا ممكن نكون هناك خلال اسبوع او 10 ايام بالكثير واريد اجمع اكبر قدر من المعلومات

انتظر ردودكم وشكرا لكم اخوتي.

اليازية

الله يحيكي في بلدك الثاني

بخصوص ابها

شقق السوده غالية بس الجو بارد والمناظر خلابه ، وخصوصاً فندق الانتركونترنتال >>>>> ساعه عشان اكتب الاسم ومتاكد انها غلط

اطلبي الغرف اللى تطل على العقبه ، بمجرد ماتفتحي الدرايش >>> الشبابيك ماراح تشوفين مين اللى معاكي في الغرفه راح يعزم نفسه الضباب عندكم وبدون استئذان

شقق وسط البلد اسعارها معقوله وكل شي جنبك وتتراوح الاسعار من 200 الى 300

طبعا ها المعلومات من عند صديقي والله اعلم......


بخصوص جده

شوفي جده مقاربه لدبي من حيث نمط الحياة مراكز اسواق وشاليهات وكازينوهات على البحر

الاسواق نبداء بسوق حراء ، جمجوم ، مركز الحمراء ، الشعله ، المساعدية ، وسط البلد شارع قابل وراح تشوفين

ماضي جده الاصيل ، لاتنسي مركز محمود سعيد ، واكيد ماراح انسى شارع التحلية من اوله لاخره ، النجار ،فتيحي ، ممكن تمرين سوق البوادي ، والسورين

الحجاز ،

بالنسبه للسكن في جده تختلف الاسعار ، كل ماقربتي من الكورنيش كل ما طلعت الاسعارفوق وكل ما بعدتي كل مانزلت الاسعار

التماشي عندك كنز ابحر جلسات في الليل حلوه ، الشرع ، الجزيرة الخضره على العموم اذا مسكتي الكورنيش من اوله راح تشوفين اماكن الجلسات العائليه

والجلسات.......... وبالتاكيد ابحر راح تستانسين وتقولين انا ماني في السعوديه ، خصوصاً اذا اخذتي يوم في منتجع الهولدي ان او درة العروس ، او المرجان او او او

واذا حبيتي تاكلى سمك وانتي طالعه على طريق المدينه في محل تشوفينه على يدك اليسار كبير والله ناسي اسمه جلساته رايقه وطبخه نظيف انعزمت فيه

ولا تنسي تطلبي سمك الناجل ......

على العموم جده ماراح تتعبين فيها لانها ما تضيع والف وخمسمائه وسبعه وسبعين الف واحد راح يساعدكم

الطائف

الهدى فيه فندق الشيراتون منظر يجنن >>>> على قولتكم يخبل

وفيه شقق مفروشه وجوه بارد يعني لازم تاخذين صوف ، وعندك الشفاء فيه شقق رووووووعه ، وفيه التل فريك يمربك بين الجبال

واذا قدرتي اسألى عن الوهط والوهيط والله ماني متاكد من الاسم بس هو مكان روعه انا ماجيته بس شفت له فلم مصورينه شباب


بخصوص ابها عندنا احد الزملا في العمل عند قريبه شقق مفروشه واذا حبيتي ارقامهم وتعملى حجز ابشري اوصلك الارقام عن طريق الأدارة




اتمني اني قدرت اخدمك

مشكوره اخوي على المساعده القيمه فعلا

انا عرفت اشيا وايده من خلال وصفك وانشالله بستفيد من هالشي

بس ياريت توصلي ارقام شقق ابها عن طريق الاداره لاني بعطيها زوجي لاننا فعلا محتاجينها لاننا بنمر ابها باذن الله اكيد

اعرف بالباحة شاليهات رغدان حلوة كثييييييييير
فى راى الباحة احلى بكثير منتزهات روعة خضرة خيالية
والرياض جنان بس المشكلة الحر
راح تلاقين فيها كل ماتبغين

«®°·.¸.•°°·.¸¸.•°°·.¸.•°®»بسم الله الرحمن الرحيم السلام عليكم ورحمة الله وبركاتهوش أقول لكبالباحة ما أعرف أنقل لك العلم كله بس ترى اللي ما يعرفها ما يستانس بها إذا تبغين أرقام شقق أو فنادق بها وأسعار معقولة قولي لي وفيها من المنتزهات الخلب ورغدان وأصفى وأشهبة والرزايب وخيرة وياكثر الشلالات بها وعمضان وبها المخيمات الصيفية والمراكز الدعوية الصيقية ومنها مخيم دوس الصيفي والذي يبدأ من 1/7 إلى 10 /7 وترى أنا أباصير فيه أسألي عني باسمي في المنتدى وابشري بريفك وسعدك والله يحييك ومن معك «®°·.¸.•°°·.¸¸.•°°·.¸.•°®»

هلا و غلا بيزو

حبايبنا ما قصروا

انتي تعالي واسألي وراح تندلين

الاسم صح .. هذا مكان كشتات على كيف كيفك واضمن لك من اول ما توقفوا السيارة تنزلي عباتك فيها وما احد يدري عنك ~> طبعاً اذا كان المكان بعيد شوي عن الخط ,,

وتري الطايف صغير مو مثل الرياض يعني حتى لو حستوا راح تندلون بسرعه ,,

أبها البهيه هذي غير شكل ..

مناظر على كيفك مرة تهبل وفيه من المنتزهات الحبله هذي روعه خاصة المطل اللي فيها وعلى طريقك وانتي رايحه راح تشوفي ابداعات اولاد السعوديه في التفنن في التخييم هذا على طريقها ...

وكمان لا تنسي مكه يكفي الراحه النفسيه فيها ...

والمدينه بعد وعلى طاري جده و بحرها فيه بحر الشعيبه ويسموه كمان (( بحر مكة )) هذا بس بر وبحر ......

عن نفسي اذا رحنا ما افتكر العبايه الا اذا جينا نروح مافيه احد بس انتبهوا يقولوا مويته تسحب بس باقي ما سحبتني خخخخخخخخخخخخ

على العموم السعوديه اذا ما اعجبتك مناظرها صدقيني راح يعجبوك اهلها

وان شاء الله اشوفك يا رب <<< تخيلي

مرحبااااااااااااااااااااا مرة تانيه

مشكور اخوي مضاوي فعلا شكلها الباحه حلوه انا خبرت الاهل