السلام عليكم ورحمة الله وبركاته

اخباركم بنات ان شاء الله بخير وعلى احسن حال

عدنا لكم با سفرة اسبوع رمضاني تصدقون كل يوم اقول مدري وش بسوي ؟

والا كيف بتكون السفره ؟ وبقدر اصورها والا لا بس الحمد الله يمر اليوم بخير

واقدر اصور السفره ..

طبعا ها السفره هي ختاميه تعرفون الاسبوع الجاي مشاغل العيد والتقضي فما اوعدكم بشي

وغير كذا في كل رمضان نخلي عزايمنا اخر اسبوع ان قدرت صورت لكم عزيمتنا وعزايم عمامي ..

بسم الله نبداء في سفرة اليوم 13

منظر عام للسفره









ندخل على التفاصيل

ثــريــد (( من يد الوالده )) سبق ونزلت طريقته في السفره السابقه



صينية خضار مشهوره فيها امي الله يحفظها



المقادير

دجاج صدوور او لحم هبره مقطع مكعبات صغيره ومشوح ي زيت وبهارات خفيفه

وملح

بطاطس

كوسا

بذنجان

جزر

فلفل بارد

كزبره وبقدونس << اختياري

ذره حبوب << اختياري

الكميه انتي تحددينها تقطعينها مربعات وتقلينها في الزيت

عدا الفلل البارد نخلط الخضار بعد القلي مع اللحم ونحطها في صينيه تدخل الفرن

ونخلط

4 ملاعق جبن سائل

4 ملاعق ما يونيز وللطعم المميز مايونيز با الليمون

علبة قشطه

ونحطها على الخضار وندخلها الفرن لمن مجرد ما تطبخ الصلصه شوي

ونحمرها من فوق وبس ..

مكرونة خضاار (( من يد امي ))



با الطريقه اللي دايم انزلها

بس ها المره با الخضار واللي تحبينه ..

شوربة لحم (( من يد امي ))

سبق ونزلت طريقتها في السفره السابقه ..



شوربة لسان العصفووور (( من يدي ))



طريقتها نحمر لسان العصفوور في زيت وشوي زبده

اذا حمرت نزيد عليها ماء مغلي لكل كاس مكرونه لسان عصفور

تقريبا كاسين ونص حلاتها المرق اكثر وحبة ماجي وفلفل اسود

نطبخها لمن تستوي وعليكم با العافيه ..

الـــحـــلــو

كيكة النيدو او في الكتاب كيكة الرخام (( من يدي ))



المقادير

(( 1 ))

2كاس حليب مجفـف

خمس بيضات

كاس سكر

نص كاس زيت

علبة قشطه

ملعقه وسط bb

فنيلا

(( 2 ))

بسكويت شاهي

حليب

الطريقه

نحمر الحليب المجفف ونخلطه مع باقي المقادير

نحط ثلاث ارباع المقدار في صينيه للفرن وفوقه طبقة بسكويت شاهي مشرب حليب

ونحط باقي المقدار وندخلها الفرن لمن تستوي تقريبا نص ساعه حرارة 300 للفرن الكهرب

اذا طاعت نكون مجهزين

(( 3 ))

علبة قشطه

6 كيري

نص كاس حليب مجفف

نص كاس طحين

نخلطها ونصبها فوق الكيكه ونزينه با الهيرشي السائل

وندخله في الفرن الحار دون ما نولع عليه مجرد تتماسك الطبقه وبس ..

سلطة فواكه (( من يد اختي ))



تفاح

كمثرى

برتقال

عنب

بطيخ

موز

واي نوع تحبينه ومتوفر

قطعيها صغار وصبي عليها عصير منجا غرقيها وحطيها في الثلاجه ..

الصوص

علبة زبادي و فنيلا و سكر حسب الرغبه تخلطينها وتبردينها

وعند التقديم نحطها على وجه السلطه ..

لقيمات ((من يد امي ))

سبق ونزلت طريقتها في السفره السابقه اليوم زادت امي حبه سوداء..



لا يفوتكم الدبس طالع على الصحن من العجله هههههههه

وابشركم انكسر الصحن في نفس اليوم ..

شعيريه (( من يد امي ))

سبق ونزلت طريقتها في السفره السابقه

بسم الله نبدا سفرة يوم 14
منظر عام للسفره









ندخل على الاطباق

الهريس (( من يد امي ))

سبق ونزلت طريقته في السفره السابقه



مكرونة بشمل (( من يدي ))



المقادير والطريقه

نسلق المكرونه

نجهز البشمل با الطريقه المعتاده

كاسين حليب

ملعقه ونص طحين

زيت

ماجي او (( ملح وفلفل ابيض ))

نقلب الطحين في الزيت اذا ماجي نحطها في ها المرحله ونزيد عليه الحليب

اذا تماسك واذا ملح وفلفل نحطها في ها المرحله وبس ..

نجهز كشنة دجاج محترمه بصل وثوم وجزر وفلفل وذره

وكزبره وبقدونس واللي تبين مع البهارت وملح شغل عدل ونقلبها مع المكرونه

وعليها كاس حليب وملعقتين جبن سائي وملعقتين ما يونيز

ونحطها في صينية الفرن ونحط البشمل على الوجه ونغطيها قصدير

وندخلها الفرن قبل التقديم نحط الموزريلا ونحمرها ..

مكرونة اللحم (( من يد امي ))

سبق ونزلت طريقتها



شوربة الدجاج با الشوفان (( من يد امي ))

سبق و نزلت طريقتها في السفره السابقه ..



اسكندر البذنجان (( من يدي ))

طبقته من اختي الغاليه شذى فعلا اكله تاكلوون اصابعكم وراها



http://www.hawahome.com/vb/t161191.html (سفرتي لليوم التاسع بالصور)

سمبوسة لحم ودجاج ((من يدي ))



الــحـــلـــو

مهلبيه (( من يد امي ))

طريقتها سهله وما يبيله



اللــقيــمات (( من يد امي ))

سبق ونزلت طريقتها في السفره السابقه



الشعيريه (( من يد امي ))

سبق ونزلت طريقتها في السفره السابقه

نبداء سفرة اليوم 15

منظر عام للسفره











ندخل في التفاصيل

ثـــريــــد (( من يد امي ))



مكرونة دجاج (( من يد امي ))

سبق ونزلت الطريقه في السفره السابقه



فطيرة الدجاج (( من يدي ))

تطبيق من ام نونا وعجينة الوردات اريام

وكانت ابداع على طبق



http://www.hawahome.com/vb/t162202.html (مشاركتي بـ (سفرتي الرمضانيه اجمل)حياكن)

مخدة العروسه هههههههه انا سميتها كذا شكلها دلع

حاشيتها جبن مالح ونعناع وملعقة جبن سايل



سلطه المعلبات سبق ونزلت طريقتها في السفره السابقه



الــحـــلـــو

حلا الفيمتوا رهييييييييب وسهل (( من يدي ))

ابشركم نسيته وقت تصوير الطاوله يوم ذكرته صورته واهلي يا كلوون خخخخخخخخخخخ




طبقة بسكووت مشرب با الحليب

وفي الخلاط

6 كيري

2 ظرف دريم ويب

فنجال سكر

1 قشطه

كاس حليب

تخلطينها وتصبينها على البسكوت وتدخلينها للفريز اذا جمدت

نجهز

3 ارباع كاس فيمتوا

ربع كاس ماء

وملعقة نشاء

وظرف كريم كرمل نغليها ونصبها على الكريمه الجامده


كريم كرمل بطريقة ارياام (( من يدي ))



http://www.hawahome.com/vb/t144185.html (قالب كريم كراميل سريع ولذيذ بالصور من ماي كيتشين)

اللــقيــمات (( من يد امي ))

سبق ونزلت طريقتها في السفره السابقه



الشعيريه (( من يد امي ))

سبق ونزلت طريقتها في السفره السابقه

بسم الله نبداء سفرة الــيوم 16 الايام تركض يا بنات

الله يعوده علينا وعليكم بكل خير وصحه وعافي ,,












نــدخـــل فــي تــفــاصـــيــل الاطــبــاق

الرز الصيني (( من يدي ))

سبق ونزلت طريقته في السفره السابقه من حلاته اعيد وازيد فيه



شوربة العدس (( من يد امي ))



عدس اصفر مغسوول ومكعب او مكعبين ماجي على حسب الكميه والذوق

اول شي تسلقين العدس الاصفر مع الماجي لمن يستوي

وتحطينه في الخلاط ,,

نكون مجهزين

بصل

كزبره خضار مورقه

كمون

واذا احتاج ملح

نكشنهم مع بعض طبعا قبل نحمر البصل وبعدين الباقي

ونحط عليهم خليط العدس اذا حبيتيها خفيفه زيدي ماء واذا ثقيله

خليها على ماهي عليه ,, وتقدرين تضيفين لها

لبن او قشطه مخفوقه والنتيجه في كلا الحالتين روووووووعه ..

شوربة السلطعوون (( من يدي ))



مااقول من اختراعي بس اضفت اشياء غيرت الطعم المعتاد

اول شي نجيب السلطعونات الحلوت وننضفها نشيل الصدفه اللي فوق ونغسلها ونطلع كل الاحشاء

ونشيل الصدفه المثلثه اللي تحت ونغسل السلطعوون

ونخليه في ماء وملح مدة 10 دقايق ونغسله ,,

بعدين نغليه في ماء بس مجرد يفور ونغير الماء بما بكميه وفيره للشوربه

ونحط فيه (( جزر وكرفس وبصل وورق غار وفلفل اسود حب او مجرووش

وملح والسلطعووون )) ونتركها على النار مدة نص ساعه

بعدها نصفي المرق من المطيبات ونحتقظ فيه وناخذ السلطعوون ونقصه من النص با الطوول

ونرده للقدر مع المرق وكاس كريمة خفق وملعقه من كل من (( صوص السمك

وصوص المحار وصوص التشيلي وصويا صوصو وصوص الماجي

وملج اجي وملعقه صغيره خل وملعقه صغيره سكر ))

وجزره مبشووره وذره حب ,,

ونذوب ملعقتين طحين في نص كاس حليب ونزيدها على الخليط

ونتركها كلها على نار هاديه مدة ربع ساعه وعند التقديم نحط كزبره للطعم والزينه بعد ..

مكرونة دجاج (( من يد امي ))

الطريقه العاديه سبق ونزلتها بتقوولوون ما تملوون منها كل يوم نفس الطريقه ابشركم

قللنا الكميه لا ويبقى بعد بس رغبة الوالد الله يحفظه ..



دجاج با البارمزان



صدوور دجاج مدقوقه

التغطيه اول شي بيض وفلفل اسود وشوي ملح

والتلبيسه

بقسماط كميه تقديريه

كاس جبن بارمزان مبشوور

ملعقتين توابل ايطاليه

ملعقة بابريكا

وكمووون

الطريقه

نحط الدجاج في خليط البيض بعدين في خليط البقسماط ونحمرها في قليل من الزين مجرد تحمير الوجه

في صينيه للفرن نمد طبقه من صلصة المكرونه الجاهزه ونحط صدوور الدجاج

ونحط شوي شوي من الصلصه على وجه الدجاج ونرش جبن بارمزان وجبن سلايس

وندخلها الفرن وعليكم با العافيه ..

مطبق لحم وجبن (( من يدي ))



العجينه

3 كاسات طحين

ملعقتين زيت

بيضه

ملح

وماء انتي تقدرينه

حشيتها حشوة لحم عاديه بدون بقل ولا شي بس زدت بصل اخضر

وشوي جبنة كرفت ..

والثانيه جبن سلايس ..

الــــحــــلـــو

مهلبية المارس (( من يدي ))





روووووعه وتذوووووووووووب من نعومتها

سهله جدا جدا

المقادير

3مــارس

2 ملعقه نشاء

3 كاسات ماء

1 كاس حليب مجفف انا حطيت مو نص ولا 3 ارباع بينهم بين

ملعقتين شوكلاته بودره

وملعقة سكر

وظرف كريم كرمل

نحطها في قدر وعلى النار نقلبها لمن يذووب المارس وكل المكونات

ونصبها في صحون التقديم ونغطيها عشان ما تتكون طبقه علويه وندخلها الثلاجه ,,

على النار نذوب 1 مارس وربع كاس حليب ونصبها على الوجه اذا

جمدت المهلبيه ..

القيمات (( من يد امي ))

سبق ونزلت طريقتها في السفره السابقه




الشعيريه (( من يد امي ))

سبق ونزلت طريقتها في السفره السابقه



واليوم سويت لهم كوكتيييييييل عذاااااااااب

مايبيله شي



2 كاس فراوله مجمده

2 موزه

2 برتقاله

علبتين عصير راني خوخ

كاس عصير منجا (( همبا ))

وعصير توت مو فيمتو لا اسمه تونو

تقريبا نص كاس كلها في الخلاط وعليكم با الف عافيه ..

بسم الله نبداء سفرة اليوم 17

ها اليومين اخواني مسافرين فا السفره تتقلص

والاطباق تكون محدوده

منظر عام للسفره











ندخل في تفاصيل الاطباق

سلطة الفصول الاربعه (( من يدي ))



خيار

جزر

ملفوف احمر وابيض

فلفل بارد احمر

بطيخ وكان له نكهه رهيبه

الصوص

مايونيز

ليمون

كتشب

صوص تشلي با الثوم

ملح وفلفل

الــرز المــدلل (( من يدي ))



كلمة روووعه قليله في حقه

المقادير

رز كميه انتي تحددينها انا سويت كوب ونص

مكعب ماجي

وملح

وشبت مقطع تقريا كاس

نغلي المويه ونحط الماجي ونظبط الملح

نحط الرز والشبت ونسويه ثلاث ارباع السوى ..

نجهز حشوة دجاج

اول شي نسلق الدجاج مع مطيبات

بعد ما يستوي ننتفه با الشوكه ونحط عليه بهارات وملح

واعشاب ايطالبه

كزبره وبقدونس ..

ونحتاج سماق

الوجه

علبة زبادي

4 ملاعق جبن سائل

4 ملاعق مايونيز

بيضه مخفوقه مع سماق وفلفل اسود

الطريقه

ناخذ صينيه للفرن ونحط فيها نص مقدار الرز ونرش زيت خفيف ونحط حشوة الدجاج فوق الرز

ونرش سماق على الدجاج ونحط الطبقه الثانيه من الرز ونرش زيت خفيف

نخلط مقادبر الوجه ونحطها على اخر طبقه للرز ومن فوقها نحط البيضه المخفوقه ونمسحها على الوجه

نغطي الصينيه قصدير وندخلها للفرن مدة 45 دقيقه على نار متوسطه بعدها

نرفع القصدير ونحمر الوجه ..

مكرونة تونه با الطريقه المعتاده (( من يد امي ))



شوربة لحم كويكر سبق ونزلت طريقتها في السفره السابقه (( من يد امي ))



كروسان دجاج (( من يدي ))



الـــحـــلــو

جبنية منال العالم (( من يدي ))



بس العجينه عجينة اريام

http://www.hawahome.com/vb/t140698.html (ذهبيــــــــة خفيفــــــــــــــــه لذيـــــــــــذه ؟؟؟؟ حياكم ربي حبايبي)

محشيه جبن كيري وتمر للي شافو البرنامج

وللوجه حليب مركز نستله وفستق ..

وهذي طريقة عجينة منال العالم جابتها لي شذى الله يعطيها العافيه ..


الجبنيه بالتمر

3 اكواب دقيق
3 ملاعق كبيرة حليب بودرة مجفف
ربع كوب سكر
نص ملعقه صغيرة بكم بودر
نص ملعقه صغيرة ملح
1 ملعقه صغيرة خميرة فوريه
ربع كوب زيت ذرة
ثلاثه ارباع الكوب ماء دافئ
ابيضه كبيرة
1 ملعقه فانيليا سائله
نص كوب جبن كاسات
الحشوة
10 حبات جبنه كريمي
10 حبات تمر
التقديم
حليب مركز محلى
1 ملعقه هيل مطحون


لقيمات (( من يد امي ))

سبق ونزلت طريقتها في السفره السابقه



شعيريه (( من يد امي ))

سبق ونزلت طريقتها في السفره السابقه



والعصير كان الاصفهاني (( من يدي ))



عصير منجا (( همبا ))

وملعقة حليب مجفف لكل كاس

وملعقة زبادي لكل كاس

والعصير الي تحت عصير فراوله والزينه فمتوا ..

بسم الله نبدا سفرة اليوم الــ 18

منظر عام للسفره










ندخل في تفاصيل الاطباق

روستو اللحم (( من يدي ))



شفت قدامب شريحتين فيليه لحم قلت يا بنت ابدعي

وطلعت معي ها الطبخه والحمد الله عدت على خير ههههههه

المقادير

شريحتي قيليه لحم

فلفل اسود

كمون

بزار لحم

وجزر

وفلفل احمر بارد

نقطع الخضر طوليه .. ندق فيليه اللحم ونرش البهارات

ونحط الخضر طوليه ونلفها طواليه ونسكرها با اعواد شيش طاووق ,,

نحتاج

مكعب ماجي

فلفل اسود

ملعقتين طحين

وزيت

ملعقتين صوص صويا

وملعقتين صوص ماجي

4 ملاعق قشطه

او فنجال قشطة خفق

وبطاطس مقطع مكعبات

نحمر اللحم في صينيه للفرن تحمر على نار عاليه مو مهم يستوي

نشيل اللحم وفي نفس الصينيه نحط الزيت والطحين والماجي ونقلبها

ونصب عليها كاسين ماء ونحركها ونشيل من القاع اللي باقي من اللحم

نحط باقي المقادير ونحط اللحم وندخلها للفرن لمن يستوي اللحم ..

مكرونة دجاج سبق ونزلت طريقتها (( من يد امي ))



شوربة كويكر لحم وشوربة لسان العصفور سبق ونزلت طرقهم (( من يدي ))




سلطة البنجر (( من يدي ))



بنجر معلي

ذره

مخلل خيار

ملفوف احمر وابيض

الصوص

ملعقتين جبن سائل

وملعقتين ما يونيز

الــحـــلــو

كنت معزومه على قرقيعان وقسمت الحلا بينا وبين العزيمه

وانهبلووو عليه ..


بسبوسة الدايجستف امممممم بطريقة الاخت همس الشوق

انا ماخذتها من منتدى والله ناسيه اسمه ,,

وحلا السنكرس اللي نزلته اريــام الله يعطيها العافيه




حـــلا الـســـنــكرس

http://www.hawahome.com/vb/t101857.html (حلى السنكرس يالغالين)


البسبوسه (( من يدي ))

(( 1 ))

1 زبده

1 كاس سكر

2 بيضه

هيل

زعفران

2 قشطه

1ونص كاس سميد

1 كاس جوز هند او نص

ملعقة bb

ثلث كاس حليب

(( 2 ))

الكريم با تسيير

في الخلاط

2 بيضه

فنيلا

ملعقه صغيره هيل

2 كاس حليب

ملقتين طحين

4 ملاعق سكر

وبسكوت دايجستف

نخلطها ونحطها في قدر على النار لمن تثقل ,,

الطريقه

نسوي البسبوسه با الطريقه المعتاده ونحط نص المقدار في صينيه لفرن

ونحط الكريم با تسيير وفوقها بسكوت دا يجستف انا ماكان عندي

حطيت بسكوت شاهي عادي ونخلط الباقي من البسبوسه مع بيالة ماء

ونمده على طبقة البسكويت ونرش شرايح لووز وندخلها للفرن اذا استوت

نسقيها شيره ..


لقيمات سبق ونزلت طريقتها في السفره السابقه



جلي فراوله



انتهينا بحمد الله واعذروني ما صورت فطوور اليوم كانو عندنا رجاال

وبسرعه بسرعه خلصنا وقدمنا

اتمنى اكون قدمت لو القليل في حق ها المنتدى اللي عطاني وبيعطيني الكثير

من اخوات عزيزات وفاضلات ,, ومن بلورة خبرتي المطبخيه ,,

واتمنى اني قدمت ولو القليل من الفائده لكم

بنات ماابي منكم الا الدعوه الصادقه في ظهر الغيب

اعاد الله علينا هذا الشهر واحنا بصحه وخير وعافيه ..

ماشاء الله تبارك الرحمان

اول الحاضرين الي نصيب معاكم ههههه

الله يعطيكي الف عافية يارب

نعمة دايمة

منضر روعة خصوصي وانا ميتة من الجوع والعطش

تسلم ايديكي وايدين الوالدة واختك

مشاااااااااااااااااااااء الله تبارك الرحمن

مبدعه
و إن شاء الله الففوز لك يالغاليه
وتستاهلين والله


وبالتوفيق

ماشاء تبارك الله


مبدعه حبيبتي

يعطيك العافيه