بسم الله الرحمن الرحميم

اخباركم بنات ان شاء الله بخير واموركم كلها تمام

الله يعطي كل ام واخت وبنت وزوجه وكل انثى عافيه

على كل جهد تبذله في ترتيب سفرتها واشباع عيلتها ,,

رجعت لكم على الوعد مع سفرة الاسبوع الثاني من هذا الشهر الفضيل

اتمنى ان الاطباق تحوز على رضائكم وتحصل اعجابكم ,,

هذا رابط اطباقي الاسبوع اللي راح

http://www.hawahome.com/vb/t160374.html (مشاركتي في مسابقة " سفرتي الرمضانية أجمل (1))

نبدا بسم الله ,,

منظر عام للسفره









نجي للتفاصيل

رز صيني وفعلا كان من الذ الاكلات الصينيه المنزليه (( من يدي ))



المقادير

اولا نسلق رز ثلاث ارباع السلقه مع ماجي وشوي ملح ونتركه على جنب

نحتاج 2 صدور دجاج مقطعه اما طوليه او مكعبات صغيره

نجهز الخضره (( فلفل بارد ,, بصل ابيض واخضر ,, جزر ,, ملفوف (( كرنب ))

لوبيا ,, ذره معلبه ,, وبزاليا مجمده )) نقطعها صغار الا الملفوفو شرايح رقيقه

الصوص

ملعقه من كل (( صويا ,, صوص المحار ,, خل ,,تشلش صوص حار وحلو

وكتشب )) نخلطهم ونتركهم ,,

الطريقه

نكشن البصل في زيت وفير اذا قرب يصفر نزيد الدجاج وبعده اللوبيا و الجزر وبعده الفلفل البارد

ونحط الذره والبازلا وبعدين نزيد فلفل اسود وكمون وملح وملعقه صغيره سكر ورشة ملح اجي

واخر شي نزيد الرز على الخلطه ونقلبه ,, ونتركه على النار شوي بعدين نزيد الصوص

اللي جهزناه ونقلبه بشوكه كبيره او بملعقه بس بحذر مانبي نكسر الرز

نتركه على النار الهاديه ونجهز البيض عباره عن

(( بيضتين رشة ملح وملعقه صوصصويا ماجي نخلطها ونسويها قرص اذا

تحمر نقطعه ونزيده على الرز وعليكم با العافيه \..

مكرونة لحم سبق ونزلت الطريقه في السفره السابقه (( من يد امي ))



شوربه انا شخصيا احب اسويها (( من يدي ))



نبشر 4 جزرات وبطاطستين ولا نغسلهم لان نبي نشاء البطاطس يعني نكتفي با الغسل قبل البشر

ونحطهم في قدر على النار مع ماء تقريبا 4 كاسات ماء واذا اجتاجت نزيد على حسب نسبة نشاء البطاطس

ونزيد عليهم اللحم وحبة ماجي ونتركهم لمن يستوي اللحم

بعد ما تستوي المكونات نزيد مكعب ماجي ثاني وشوي ملح وفلفل اسود

وملعقة طحين مذوبه في نص كاس حليب نزيدها على الشوربه ونتركها على نار هاديه

وعليكم با العافيه ..

ورق عنب (( من يد اختي )) بطريقة دمووع يائسه



http://www.hawahome.com/vb/t130830.html (ورق العنب اللذيذ على طريقة دموعة وبالصووووور)

بيـــتـــزاء خضاار



العجينه بطريقة الاخت هتووف نزلت رابطها في السفره السابقه

الصوص

ناخذ فص ثوم ونقلبه زيت زيتون لمن يقرب يحمر نزيد ملعقتين صلصل طماط

وملعقة كتشب وطماطتين مبشوووره ونص كاس ماء وملعقة جبن سايل نتركها على نار هاديه

لمن تتسبك ..

والحشوه

بصل وفلفل بارد ومشروووم نقلبها في شوي زيت

مع فلفل اسود وملح لمن تذبل ,,

نمد الصوص وفوقه الحشوه ونزينها با الجبن الشرايح بدل الموزريلا وبس

انا نسيت احط زيتون اذا تبون حطو زيتون قبل الجبن او فوقه ..

النقنقه



سويت روول زعتر من نفس العجينه وفطاير شاميه با الزعتر وجبن الكيري

وثانيه سويتها بباقي صوص البيتزاء وسمبوسة لحم تلقون الحشوه في

السفره السابقه ها المره زدت عليها مااش ..

سلطة عاديه كل شي في الثلاجه حطيه وقدميها مع ليمون وزيت زيتون وملح ..



واخر شي الحلو كان جلي ما صورته صوره فرديه

وهذي اللقيمات الطريقه في السفره السابقه



وعليكم با العافيه سفرة اليوم السادس ..

رجعنا لكم وسفرة اليوم السابع

بسم الله نبداء وبه نستعين

منظر عام للسفره








ندخل في التفاصيل

الهريس وشوربة الهريس (( من يد امي ))






ناخذ قدر الهريس ونحط فيه طماط عدل ولحم راهي وللهريس احسن شي

لحم الرقبه والله اعلم وملح وشوي فلفل اسود وكمون ,, طبعا نكون منقعين حب الهريش شوي مو كثير

ونحطه في القدر ونغطيه بماء ونحسب حساب ان الهريس يشرب ماء كثير

وبعد نبي نشيل مرق الوجه للشوربه ونخليه لمن يغلي اذا على نوطي النااار ونتركه لمن يتشرب الماء

ونكون شلنا منه الوجه وهو الشوربه ونحطه في قدر على جنب اذا خلصنا ها الخطوات ندخل القدر في الفرن

ونخليه لمن يذوووووب اللحم ويصير الهريس تمام التمام ونبدا عاد في الهرس با خشبة الهرس

وعند التقديم ما يبيله دهن بقر على الوجه وعليكم با الف عافيه ..

مكرونة لحم سبق ونزلت طريقتها



شوربة الشوفان با الطماط



طبعا الطريقه عااديه ناخذ بصل ونحمسه عدل عدل ونزيد عليه عود قرفه وليمون اسود

وكمون وملح وفلفل بارد ونزيد عليه 4 طماطات مطحووونه وملعقة صلصل وماء حسب الحاجه

ونتركها على النار لمن تغلي نزيد الشووفان نكون منقعينه منقبل

ونتركها على النار لمن تصير جاهزه للاكل وعليكم با الف عافيه ..

صحن صيني يم يمي



اول شي سلطة الدجاج با شعيرية الرز على طريقه اريااام

واللي جنبه دجاج با العسل

ناخذ صدووور دجاج ونقطعها مكعبات صغنونه

ونجهز ,,

بصل

جزر

فلفل بارد

نحمرها اول شي البصل بعدين الجزر والدجاج وعقب الفلفل البارد

ونحط ملح اجي وملح عادي وفلفل اسود وكمون ونقلبها تمام التمام

بعدين نحط ملعقة صويا وملعقة صلصة ماجي

قبل التقديم نحط ملعقة عسل ونص كا ماء مذوب فيه ملعقة نشاء

ونتركها شوي تتماسك ونقدمها ...

النقنقه (( من يد اختي ))



سمبوسة لحم وسبرنغ رووول

سبق ونزلت طريقتها في السفره السابقه

الحـــلــــو

كيكة منها وفيها (( من يدي ))



المقادير

في خلاط الكاس نحط كاس ماء ,, وكاس زيت ,, وكاس سكر

و 4م حليب مجفف و4 م كاكاو ,, نخلطها وناخذ منها

ثلاث ارباع الكاس من ها الخلطه وهذا هو صوص الكيكه

نزيد بيضتين وفنيلا على الباقي ونخلطها نحط الخليط في خلاط الكيك

ونزيد عليه كاس طحين و1م b b وندخلها الفرن اذا استوت وبردت نزينها با الصوص

وعليكم با الف عافيه ..

والقيمات عروووس رمضااان سبق ونزلت طريقتها في السفره السابقه ..(( من يد امي ))



والشعيريه نزلت طريقتها في السفره السابقه (( من يد امي ))



وكريم كرمل بطريقته العاديه (( من يد اختي ))



وخلصنا سفرة اليوم السابع ..

بسم الله الرحمن الرحيم نبداء في سفرة اليوم الثامن

اليوم كانوا العيال معزومين على الفطوور وحاولنا نلم السفره شوي وكانت الاطباق للشيبان

الله يخليهم لنا يارب ..

منظر عام للسفره








ثريد شبق ونزلت طريقته في السفره السابقه (( من يدي ))



وباقي المرق من الثريد



رز مفلفل ابيـــض (( من يد امي ))



مكرونة لحم (( من يدي )) وفيها زياده من عندي




اول شي نسلق اللحم مع مطيبات صحيحه ونشيل منه الريم اذا استوى

نرفعه ونحتفظ با مرق اللحم نكشن بصل وثوم اذا حمر نزيد قطع اللحم

نزيد عليها كمون وفلفل اسود وبزار لحم ونقلبها نزيد عليها طماط وصلصل

ونتركها على نار هاديه ,,

نسلق المكرونه نص السلقه في ماء وملح يعني ما تستوي تمام ونصفيها نشيل من ماء سلق المكرونه بياله

ناخذ صينيه فرن ونحط المكرونه واللحم ونزيد شوي من مرق اللحم وبيالة ماء سلق المكرونه

وندخلها الفرن لمن تتشرب كل شي نطلعها وهي حاره نزيد عليها ملعقة جبن شيدر مبشور

وملعقة جبن بارميزان وربع اصبع زبده ونقلبها وعليكم با الف عافيه ..

اكله هنديه فيها لمساتي (( من يدي ))



طبعا كان باقي لحم خذته وقطعته صغااار

نكشن بصله كبيره في زيت وشوي زبده اذا حمرت نزيد ملعقه صغيره زنجبيل طازج و اللحم

ونقلبها على نار عاليه اذا طلعت اللحمه عصارتها وجفت نزيد ملعقتين جوز هند ملياااانه

وملعقة كموون ورشة فلفل اسود وملعقة بودرة ثوم وشوي فلفل حار وهذا على ذووقكم

ونحط كاس ماء نترك الطبخه على نار هاديه لمن تجف كل المويه نبي اللحم طري بعدين

نظبط الملح ونحط قبضة اليد كزبره ومثلها بقدونس وملعقة نعناع اخضر وكاس كريمة خفق

نقلبها شوي وعليكم با العافيه ,,

وقدمتها مع سلطة زبادي

خيار مقطع صغار ,, علبة زبادي ,, فص ثوم مبشور ,, ملح وفلفل اسود وكمون

وزيت زيتون وليمون .. وتقدم بااارده ..

شوربة كويكر با اللحم سبق ونزلت طريقتها في السفره السابقه (( من يد امي ))



سلطه خضار (( من يد اختي ))



خس ,, جزر ,, خيار ,, وعلى الوجه جبنة حلووم مبشووره

وسماق تقدم مع زيت زيتون وملح وليمون ..

النــقــنـــقــه



بف لحم ودجاج (( من يدي ))
عجينة سمبوسة البف با الكاسترد

3كاسات طحين

علبة قشطه

ملعقة bb

1 ملعقة كاسترد

نص اصبع زبده

وماء للعجن ..

وسمبوسة جبن سايل ..

اللقيمات نزلت طريقتها في اليوم الاول



وانتهينا من سفرة اليوم الثامن ..

بسم الله نبداء سفرة اليومم التاسع

منظر عام للسفره










ندخل في التفاصيل

اسبكتي لحم (( من يد امي ))



سبق ونزلت طريقتها في السفره السابقه ..

شوربة اللحم (( من يد امي ))



تقريبا سبق ونزلت الطريقه بس ها المره غيرت شوي

اول شي نسلق اللحم ونشل منه الريم نغليه غلوه وحده ونغسله نحطه في قدر على النار

ونحط معه بصله وطماطه وفلفل بارد وجزره ونقلبها على النار لمن تتحمر شويه

نزيد عليها كمون وصلصل وليمون اسود صحيح وعود صغير قرفه ونقلبها ونزيد عليها الماء

على حسب كمية الشوفان

اذا غلت المرقه نزيد الشوفان اللي سبق ونقعناه نتركها على نار هاديه

قبل التقديم نزيد عليها كاس لبن وعليكم با الف عافيه ..

التــبــولـــه الحـــمــراء من الذ التبولات

اللي سويتها ,, (( من يدي ))



المقادير والطريقه

ناخذ كاس برغل كاس الجبن الصغير نغسله وننقعه مدة من 5 الى 10 دقايق

على النار ((نص بيالة زيت زيتون + مكعب ماجي + ملعقتين صلصل +

ملعقه صغيره بابريكا )) نحطها على النار لمن يذوب مكعب الماجي

وتصير المكونات متمازجه ,, بعد ما نرفعها من على النار نزيد الملح

والليمون ,, نصفي البرغل ونحط عليه ها المكونات نقلبها ونتركها في الثلاجه

مدة نص ساعه ..

نجهز حزمة كزبره مورقه

وحزمة بقدونس مورقه

وبصل ابيض او اخضر

وطماطه متماسكه نشيل منها اللب

نقطع الخضاار صغاااااااار ونخلطها مع خلطة البرغل

ونظبط الملح ونزيد زيت زيتون او ليمون اذا احتاجت

وعليكم با العافيه ..

معجنات (( من يدي ))

حلزونة لحم بدبس الرمان



الطريقه نكشن البصل لمن يحمر ونزيد عليه لحم مفروم وتكون النار عاليه اذا جفت المويه

نحط البهارات وصنوبر محمر وملح ورشة ليمون اسود مطحون وملعقة كبيره دبس الرمان

نقلبها شوي ونتركها تبرد وطريقة اللف للي ما يعرفها تلقونها في ملف معجنات حبيبة قلبي شذى 2004

امس شفتها واليوم سويتها ونرش عليها حبه سده والله عطتها طعم حلو مع ان اخوي الصغير

دايم يقول ى تحطوون ها النمل على الكيك هههههههههه ..

واسوارة الجبن

حشيتها با حشوة اجبان مختلفه



جبنه مالحه وموزريلا وحلوم وملعقة نعناع اخضر تخلط وتحشى بها الفطيره ..

سمبوسة دجاج ولفايف جبن




الـــحـــلـــو

حلوه بحرينيه (( من يدي ))



3كاسات سكر

كاسين ماء

نص كاس نشاء

نص بياله ماءورد

ونص بياله زيت

رشه من صفار الزعفران

وزعفران وهيل

الطريقه

نشقر السكر على النار لمن يحمر موو يحترق ويصير مر

لا يصير ذهبي اذا صار لونه تمام نزيد الماء بعد ما نذوب فيه النشاء

ونحركه بسرعه وراح يتماسك نزيد الزيت وماء الورد وصبغة الزعفران

نقلبها شوي ونزيد الهيل والزعفران ,, في ها المرحله نقدر نحط المكسرات

انا ابوي معه حساسيه من المكسرات عشان كذا ماحطيت

وعليكم با العافيه طعمها رهيب فعلا جربوها وادعو لي ..

شعيريه سبق ونزلت الطريقه في السفره السابقه



لقيمات ونزلت الطريقه في السفره السابقه (( من يد امي ))



ها المره امي حطت على الصبه الثانيه حبه سوداء ..

جلي فراوله (( من يد اختي ))

بسم الله نبداء بسفرة الــعــاشـــر










نـــدخـــل فــي التــفــاصـــيــل

رز صيني نزلت طريقـته في سفرة اليوم السادس (( من يدي ))



ها المره طلبيه من اخوي فعلا يستاهل الاعاده ..

مكرونة دجاج (( من يد امي ))



شوربه صينيه (( من يد امي ))


اول شي نسوي شوربة خلاصة الدجاج ماجي مثل ماهو مكتوب

ونزيد عليها كاس حليب وملعقتين قشطه و3 ملاعق شوفان

وفلفل ابيض ونتركها على نار هاديه قبل التقديم بربع ساعه نزيد جزر مقطع صغاار

وذره واذا حبيتي بصل اخضر ..

ســلــطــة معلبات (( من يدي ))



علبة بليله

علبة فا صوليا حمراء

علبة ذره صغيره

بصل اخضر

خيار

جزر

ملفوف ابيض

فلفل بارد

كزبره وبقدونس

نقطعها مكعبات ونخلطها ..

الصوص

كاس لبن او علبة لبن صغيره

علبة زبادي

ملعقتين مايونيز

ملح وفلفل

ليمون

تخلطينها وتحطينها على الخضر وتحطينها في الثلاجه ..

كبة برغل جاهزه وسمبوسة خضاار




اقماع لحم وفطيرة النقانق (( من يدي ))

باقي عندي عجينه من يومين وحطيتها في الفريز

وطلعتها وسويت بها ها الفطاير وكانت رهيبه كنها جديده ..



الـــحـــلـــو

كيكة نسكافيه (( من يدي ))



مقادير الكيكه

3بيضات

فنيلا

نص كاس سكر

نص كاس زيت

علبة زبادي

ملعقه صغيره نسكافيه

1 كاس طحين

وملعقة اكل bb

نخلطها مثل أي كيكه ونحطها في صينيه للفرن ,,

اذا طلعت من الفرن نكسر عليها 8 حبات بسكوت شاهي ونشربها

علبة نستله صغيره لا تكثروون .. ونخليها لمن تبرد ما يحتاج ثلاجه

في الخلاط نحط 6 جبن كيري ثلاث ارباع علبة نستله كبيره

ونصبها على الكيكه وندخلها الفرن على نار خفيفه مجرد تتماسك الطبقه

نطلعها ونبردها شوي وندخلها الثلاجه ,,

قبل التقديم بنص ساعه على النار نحط كرتون كريم كرمل ونص كاس ماء

وملعقة نسكافيه نخلطها واذا قربت تفور نصبها على الكيكه

نحطها في الثلاجه ونقدمها وعليكم با العافيه ..

حلا سمبوسة سويتز (( من يدي ))



نقسم الشريحه 3 ونشيل زاويه صغيره من جهه وحده

ونلفها على الاقماع ونلزق الطرف بماء وطحين

ونقليها في زيت با الاقماع ..

الحشوه

نشفشف (( نحمس ))

2 ملعقه طحين

3 ملاعق حليب مجفف

ونخلطها في الخلاط مع علبة قشطه وثلاث ارباع كاس سكر

و6 جبن كيري نخلطها ونبردها ونحشي فيها اقماع السمبوسه

ونزينها با جوز الهند وعليكم با العافيه ..

شعيريه نزلت طريقتها في السفره السابقه (( من يد امي ))



ها المره ما حمستها امي وكثرت الزعفران شوي ..

لقيمات نزلت طريقتها في السفره السابقه (( من يد امي ))



وخلصنا سفرة اليوم العاشر ..

بسم الله نبداء سفرة اليوم الـحادي عشر

سبحان الله مر رمضان بسرعه والله انه ضيف عزيز وغالي ,,

منظر عام للسفره











نــدخــل فــي التــفــا صــيــل

كفتة اللحم الملكيه (( من يدي ))

مااقول من اختراعي بس اضفت عليها شغلات



المقادير

لحم مفروووم حسب الكميه اللي نحتاج لها

بصله مبشوووره ونعصر منها العصير

ملعقتين مليانه بقسماط

كمون وفلفل اسود وملح وشوي قرفه مطحونه

الطريقه

نخلطها مع بعض ونكورها ..

نجهز بذنجان وبطاطس نقطعها حلقات عريضه ونقليها

ونقطع بصل حلقات ,, وفلفل بارد طوالي او مكعبات صغيره

في صينيه للفرن نحط البطاطس ومن فوقه البذنجان والبصل

وداوئر اللحم ونرش الفلفل البارد ,,

في الخلاط نخلط من 3 الى 4 طماطات حمراء ,, وكميه وفيره من الصلصل

وقبضة اليد كزبره وقبضة اليد بقدونس مورقه وفنجال نعناع اخضر

ومكعبين ماجي ورشه خفيفه ملح وملعقة خل وملعقة عسل

وكركم وكاس ماء نخلطها ونحطها على الصينيه وندخلها الفرن

وعليكم با العافيه والله طعمها رهيييب ..

وقدمتها مع رز با الشعيريه (( من يد امي ))



رووول اللازانـــيـــا (( من يد امي ))

واللف اختي << من زود السنع ههههههه



نحتاج مكرونه لا زانيا اللي تجي شرايح واطرافها مشرشره

نسلقها مع ملح ..

نحظر حشوة لحم مفرووم حمراء وعلى ذوقكم

انا اكشن البصل لمن يحمر وازيد اللحمه واقلبها لمن تجف مويتها

او العكس احمر الللحم لمن تجف مويته وازيد البصل والزيت

احط البهارات اللي ابي وملح واذا حبيتي ماجي وصلصل وطماط مطحوون

او مبشوور وانا افضل مبشووور وقليل من الماء نتركها على النار لمن تتسبك

ملاحظه :_

اذا كانت اللازانيا من النوع اللي ما يحتاج سلق نخلي الصوص خفيفه لانها راح تساهم

في نضج اللازانيا واذا كانت من النوع اللي يحتاج سلق عادي الصلصه تكون سميكه ..

نقس الشريحه الوحده 2 ونحشيها ونلفها روول ونصفها في الصينيه

ونصب عليها صلصة معكرونه جاهز اللي تجي في غراش قزاز ونحطها في الفرن

اذا بدت تغلي الصلصه نصب عليها قشطه مخفوقه ورشق فلفل ابيض

واحنا نحبها غنيه با الصوص وقبل التقديم نرش موزريلا ونحمرها شوي

وعليكم با العافيه ..

للــوالـــد مكرونة لحم سبق ونزلت طريقتها (( من يد امي ))



شوربة دجاج سبق ونزلت طريقتها (( من يد امي ))



ورق عنب من صديقة امي

وارسلنا لهم لازانيه خخخخخخخخخ انا فضيحه



قــبــل لاانــســى هذي صــلصــة سلــطــه من يــد اخـــوي

حــاس حــوســه وقال صــوريــهــا وحطيــهــا مع الاكــل



زبادي تخلطونه وتخلطونه وتخلطونه وتحطونه في باديه

هو قال انه للسلطه بس كلاه مع التمر ..


الــــحـــلـــو

التاوه القصيميه اكله مغذيه ولذيذه (( من يدي ))



العجينه

2 كاس طحين بر

كاس طحين ابيض

كاس لبن

ملعقه ونص خميره فوريه

بيضه

بيالة زيت

فنجال سكر

وحبه سوداء

نعجنها ونتركها تتخمر وبعدها نفردها ونقطعها ونقليها واذا استوت نصب عليها

دبس وعليكم با العافيه ..

ملاحظه :_ تقدرين تحطين المكونات السائله في الخلاط وتحطين بصله صغيره

وجزر مبروووش النتيجه بعد حلوه ..

تارت التمر با الكرمل



(( 1 ))

العجينه

كاس طحين

4 جبني كيري

اصبع زبده لينه مو ذايبه

نعجنها ونشكلها في صينية الكب كيك الصغيره ,,

(( 2 ))

ونحط فيها دائره صغيره تمر في كل وحده ,,

(( 3 ))

في الخلاط الكاس نخلط

نص كاس سكر بني ,, ونص كاس سكر ابيض ,, وفنيلا ,, وبيضتين

نخلطها ونصب شوي منها على كل حبه وزينيها بلوز او عين الجمل

ودخليها الفرن وترى ماتاخذ وقت مجرد تحمر الجوانب وبس ..

لقيمات سبق ونزلت طريقتها في السفره السابقه (( من يد امي ))



الكاسترد بغينا ننساه (( من يد امي ))




2 كاس ماء

6 ملاعق نيدو

2ملعقه سكر

وهيل

وزعفران تغلينها اذا غلت نشيل منها شوي ونذوب فيه الكسترد

3 ملاعق وشوي من بودرة الكسترد ونردها للقدر ونغليها لمن تتماسك ..

وكريم كرمل (( من يد اختي ))



وخلصنا من اليوم الحادي عشر ..

وعدنا بسفرة ختام الاسبوع سفرة اليوم الثاني عشر

بسم الله نبدا

منظر عــام للـــســفــره











نــدخل فــي تفــاضيــل الســفره

كشري با الطريقه المعتاده (( من يدي ))



طبعا الكميه انتي تحددينها انا سويت كاس ونص رز مصري وتقدؤين تستخدمين رز عادي

وثلاث ارباع الكاس عدس وما استعملته كله وكورتين شعيريه ,,

نسلق العدس نص سلقه مع ملح ونشيل من ماء سلق العدس كاس واحد ونخليه على جنب

نحمر الشعيريه ونرفعها على جنب نكشن بصله متوسطه لمن تحمر تما

م وتصير شبه بنيه بس مو محروقه نحط عليها كمون وماجي وملح

ونزيد كاس ماء العدس و ماء مغلي قد سوا الرز اذا غلا نزيد الرز المغسوول والمنقع والشعيريه

والعدس ونتركها لمن تستوي ..

نسلق مكرونه ونحمر بصل للتقديم ,,

الصلصه الحمراء



نكشن بصله وثوم اذا شقرت نزيد كمون وبهارات خفيفه وملح

وطماط مقشر ومقطع نقلبها لمن تذوب نزيد نص بياله خل وملعقة وسط سكر

اذا طبخت نخلطها في الخلاط لمن تعووف العافيه ونرجعها على النار

تغلي ونقدمها ..

كانتون سبق ونزلت الطريقه في السفره السابقه

بنات فعلا تستاهل الاعاده وما ينشبع منها ..



مكرونة دجاج سبق ونزلت طريقتها في السفره السابقه (( من يد امي ))



شوربة شوفان با اللحم سبق ونزلت طريقتها ي السفره السابقه



كمبوديا با الدجاج (( من يدي ))



العجينه

ثلاث ارباع كاس لبن

ربع كاس ماء

1كاس طحين

ورشة ملح وفلفل ابيض او اسود

نخلطها ونسويها خبيزات صغيره على التاوه,,

الحشوه

أي حشوة دجاج تشتهينها تحشين بها الخبيزات وتلفينها تحطينها في صينيه صغنونه

وتدهنين الوجه با (( ملعقة صلصل ,, وملعقة ماء ,,رشة ملح وفلفل وكمون ))

على الوجه نقطع جزره وبصله وفلفل بارد وطماط اعواد ونحطها على الوجه

ونرش جبنة موزريلا وندخلها الفرن وبس ..

وسمبوسة محشيه دجاج وخضار ..



الــحــلــو

طلب الوالد عريكه (( من يدي ))



كاسين طحين بر ,, رشة ملح ,, وتقريبا كاس ماونص ماء لمن تصير عندنا عجينه لينه قابله للمد

بس مو رخوه كثير ,, نعجنها ونتركها ترتاح تقريبا ربع ساع او نص ساع

ونمدها على التاوه ونحمرها من الوجهين وهذا شكلها



ونرفعها ونعجنها بسرعه وهي حاره او نتركها تبرد شووووووي ونكورها

في المدهنه نحط مقدار متساوي من سمن بري والعسل على النار ونحط كورتنا

ونسوي فيها حفره في النص ونسقيها با العسل والسمن ونقدمها ..

وخلية نحل بعجينة هتووف سبق ونزلت رابط الوصفه (( من يد اختي ))



وشعيريه سبق ونزلت طريقتها في السفره السابقه ,, (( من يد امي ))



وعليكم با العافيه وان شاء الله تعجبكم سفرتي وتحوز رضاكم اطباقي

وان كنا من الحيين ان شاء الله نلتقي في سفرة الاسبوع القادم با اذن الله ..

ماشاء الله تبارك الله
سفره عامره
ابدعتي اختي
تسلم الايادي