حياكم الله على مائدة افطار رووح الفانيلا اغلب الاطباق من كتاب النخبه

ومن منتدى بيت حواء الغالي واي سؤال انا حاظره

بلا طوول سيره بترك الصور تتحدث ..


فطور اليوم الاول

حاولت ما اطبخ اكثر من اللازم ويكون الاكل بكميه معقوله

نوعت في الاطباق بشكل بسيط

منظر عام للسفره









,, بداية اي سفره لا تخلوا من الرباعي الاصيل

ماء ولبن وتانج وفيمتوا

ولبعد الفطووور الشاي والقهوه ..



ندخل على الاطباق المعتاده


للمكرونه (( من يد امي ))

رسميه عند ابوي الله يخليه حتى مع وجود نوع ثاني



المقادير

بصلتين متوسطه

فص ثوم صغير

نقانق او دجاج او لحم

فلفل بارد تقريبا وحده متوسطه

فطر

صلصل على حسب سماكة الصلصله المطلوبه

بهارات خفيفه وملح واذا حبيتي ماجي

الطريقه

نكشن البصل لمن يصفر نزيد فص الثوم و النقانق نقلبها لمن تحمر

نزيد الفلفل البارد والفطر ونظبط البهارات والملح

نزيد الطماط المبشووره والصلصل ونتركها على نار هاديه

نزيد المكرونه المسلوقه ونقلبها ونتركها على نار هاديه ..

الشوربه (( من يد امي )) >> سوري انمسحت الصوره الفرديه با الغلط

المقادير

10 ملاعق شوفان

بصله كبيره

طناطه كبيره

فلفل بارد متوسطه

مكعب ماجي

كمون

ظرف واحد شوربة الشعيريه من ماجي

الطريقه

ننقع 10 ملاعق شوربه ( شوفان ) في ماء دافي يعني لمن يغطيها تماما مو نغرق الدنيا

و على النار في قدر نحط ماء على حسب كمية الشوربه والماجي (( الطماط والبصل والفلل البارد ))

صحيحه دون تقطيع وراح تذووب مع الشوربه وعند التقديم نتجنب غرفها

نزيد الكمون و بعد ما تغلي نزيد الشوفان ونتركها على نار هاديه

لمن تستوي الشوربه نزيد ظرف واحد شوربة ماجي با لشعيريه

سهله وماتاخذ وقت وخفيفه على المعده وهذي الشوربه رسميه حتى مع وجود نوع ثاني ..

المقبلااات

سلطة الشورما (( من يدي ))



المقادير

صحن صدور دجاج

يتبل في (( كمون وفلفل اسود وبزار خفيف

نص علبة زبادي وملح و فنجال زيت و بابريكا

و قليل صويا خفيفه ))

الخضار

جزر مقطع اعواد

بطاطس مقطع اعواد ومقلي

بذنجان مقطع اعواد ومقلي


فلفل بارد مقطع اعواد

كزبره وبقدونس مقطعه

وعلى جنب بصل ابيض جوانح رقيقه معصور عليه نص ليمون

ه وملعقه ونص سماق ونتركها على جنب

وللزينه خبز مقلي

الصوص

علبة زبادي

ملعقه طحينيه

1عصير ليمونه
فص ثوم صغير مبشوور

ملح

فلفل اسود

وكمون

الطريقه بعد نقع الدجاجا يحمر في الة الشوي

او الفرن وبعدها يترك يرتاح ويقطع مثل الشورمه

عند التقديم نفرش الصحن با الكزبره والبقدونس

وثم البصل مع السماق و الجزر والبطاطس والبذنجان

وعقب الدجاج والصوص واخر شي الخبز ..

سمبوسة بطريقة الاخت كات (( من يدي ))

وفرزنت منها كميه لوقت الضيق ..



العجينه

2كاس طحين

1بيضه

رشة ملح

نص فنجال زيت

تعجن ونريحها شوي

وتحشى با أي نوع حشوه انا حشيتها لحم

الطريقه

نكشن البصل ونزيد اللحم لمن ينشف الماء

نزيد البهارات والملح واخر شي الكزبره والبقدونس

تبرد قبل الحشو ..


فطاير يعجينة هتووف (( من يدي ))



http://www.hawahome.com/vb/t134532.html (دونــــــــات بالفرن هشة ولذيذة وخفيفة بالصور..هدية للغالية ...)

العجينه للدونات بس انا اعتمدتها للفطاير

الطاواليه محشيه جبن حلوم

واقماع

محشيه فلافل

الطريقه

نكشن بصله

و نطحن فلافل + بيض مسلوق

ونزيدها على البصل ونزيد البهارت واخر شي الكزبره والبقدونس

حطيت في داخل القمع شوي لبنه وفوقه الفلافل ..

ونقانق

الطريقه والمقادير

نكشن بصل

ونزيد النقانق المقطعه والطماط المبشووور والصلصل

والفلفل الحار والبهارات ونتركها لمن تستوي انا حطيت جبن سائل

وفوقه الحشوه ..

وبيتزاء با اللحم المفرووم

نخلط الكتشب مع ملعقة اعشاب ايطاليه


وكشنة لحم مفرووم

لحم مفروم كميه بسيطه

بصله

طماطه

فلفل بارد

فطر
بهارات

وصلصل

نكشنها عادي ونحط اول شي الكتشب

واللحم وجبن موزريلا وزيتون ..

الحـــلـــو

شعيريه (( من يد امي ))



طريقه رهيبه والطعم لذيذ

نحمس الشعيريه بدون زيت ولا شي اذا اشقرت نزيد ماء مغلي ونتركها تستوي نص سواء

ونصفيها في قدر على النار نحط 4م سمن بري

و 1بيضه

و 2م ماء ورد

8 م سكر او حسب الرغبه

ملعقه صغيره هيل وزعفران

نحرك الخلطه على نار متوسطه لمن تظهر فقاعات خفيفه

ونزيد عليها الشعيريه ونتركها على نار هاديه ..






اللقيمات (( من يد امي ))



طريقه معتمده من سنوات

المقادير

نص كاس ماء

3 م زيت

3 م حليب مجفف

1م خميره

الطريقه

تخلط المقادير ونزيد عليها 2 كاس طحين

نتركها تخمر ساعه ونص وعند الصب نزيد

بيضتين ونتركها من خمس الا عشر دقايق ترتاح

ونصبها في الزيت ..


حــلا (( من يد اختي ))



المقادير + الطريقه

كيك شوكلاته جاهز او محضر في البيت

انا سويته في البيت بطريقة هند

المقادير

2 بيضة
كاس ونص سكر
ملعقة صغيرة فانيليا
ربع كاس زيت
نصف أصبع زبدة لينة
علبة زبادي
كاس ماء مليان
كاسين دقيق
6 ملاعق طعام شوكولاتة بودرة مرة
2 ملعقة صغيرة بيكنج بودر

توضع في صينية بايركس

ونسقي الكيك بصوص خفيف مكون من

نص علبة حليب مركز

فنجال حليب شاي ابوقوس

وملعقه وسط نسكافيه

وتصب على الكيكه

وندخلها الثلاجه ..



نجهز الكريمه

مقاديرها

6حبات جبن كيري

علبة قشطة

2 باكيت دريم ويب

1م سكر

و1/3 علبة القشطة ماء

توضع في الخلاط ونبردها في الثلاجه ونزيدها على الكيكه

وتزين بهرش السائل

جلي ليمون وكرز (( من يد اختي ))



انتهت سفرة اليوم الاول ..

سفرة اليوم الثاني

حياكم الله على سفرتي لثاني يوم سفره خفيفه كنا معزومين على العشاء

وكانت الاطباق ترفه شوي ,, بسم الله

منظر عام للسفره






ندخل في التفاصيل

مكرونة دجاج (( من يد امي ))



المقادير + الطريقه

نكشن البصل بعد ما يشقر نزيد الدجاج المقطع والفلفل البارد وجزر مبشور والماجي والبهارات

عقب نزيد الطماط او مقطع او مبشوور وصلصل ونظبط الملح

ونزيد المعكرونه المسلوقه ..

ونوع ثاني معكرونه كانتون با الخضار وكانت اممممممممم (( من يدي ))



المقادير + الطريقه

اول شي نجهز الخضر (( بصل وفلفل بارد وجرز وخيار وزنجبيل وثوم وانا ناس ))

نقطعها بشكل صيني يعني مايله والبصل جوانح والا عادي

نقلب الخضر على النار با الترتيب بصل وثوم وزنجبيل بعدين الجزر والخيار

والفلفل البارد واخر شي الاناناس ونتركها على نار هاديه بعد ما تذبل نزيد بهرات خفيفه

و مكرونه سبقتي مسلوقه نص سلق ونخلطها مع بعض ,,

نجهز صوص (( ملعتين صويا صوص و ملعقة خل وملعقة صلصل طماط و ملعقتين كتشب

وملعقة سكر )) نخلطها ونزيدها لى المعكرونه ونزيد ملح حسب الذوق

نتركها ربع ساعه وعليكم با الف عافيه ..

جريش احمر (( من يد امي ))

للامانه الطريقه منقوله لان امي ماكانت حولي



4 كاسات من الجريش

اوصال لحم

بصله

كيلو طماطم

كمون

ملح

فلفل اخضر حسب الرغبه


الطريقه

----------


تحطين صدور الدجاج او اوصال ا لحم والطماطم بعد خلطه با لخلاط او تقطيعه قطع صغيره وحطي الكمون على النار في قدر متوسط الحجم وفيه مقدار
8 = كاسات ماء حار
وتخلينها تنسلق لمدة عشر دقائق وبعدها تغسلين الجريش وتضيفيه على الدجاج وتخلينه يطبخ لمدة نص ساعه
وبعده تغطينه وتكتميه با القصدير وتتركينه على نار هاديه مره او في الفرن00 يطبخ براحته عشان يستوي الجريش مده ساعه ونص او اكثر حسب نوع حب الجريش 0
بعد ما تطلعينه من الفرن تخلطيه واذا كان فيه عظام تشيليها 00 وبعد التحضير يوظع عليه زبد او قليل من السمن ..


شوربة جريش (( من يد امي ))



بعد ما يستوي الجريش او قبل سواه تمام تاخذين المرق اللي على الوجه ..

المنتو الكذاب (( من يدي ))



طريقته سهله ومشهوور

المقادير والطريقه

نجهز حشوة لحم او دجاج على مزاجتس والمقادير اللي تبينها اهم شي ما يكن فيها طماط

نجيب شرايح سويتز او أي نوع بدون زيت ونحشيها ونلفها بشكل طولي

ونصفها في صينيه مفروشه با شرايح بصل ,,

نجهز لها صوص (( 1 قشطه و ملعقتين مايونيز وملعقه مستردا

وملعقتين جبن وبيالة حليب )) ونصبها على الصينيه وندخلها الفرن من تحت وفوق

وما تاخذ وقت ..

سلطة برجر الدجاج (( من يدي ))



المقادير

نجهز خس وملفوف وجزر وفلفل بارد وذره

ونقلي برجر دجاج نقطعها كلها ونحطها في سلطانيه

مع الصوص

مايونيز وزبادي ملح وفلفل وزيت زيتون

وملعقتين صلصة سلطه برتقاليه من قودي ..

مشكشك الدجاج (( من يدي ))



المقادير دجاج صدور مقطع مكعبات

النقع (( نص كاس لبن وبهارت اختياره وتكون خفيفه وملح ))

بعد النقطع نحط كل مكعبين دجاج في عود اسنان

ونغطيها با طحين مبهر بكمون وبابريكا و اعشاب ايطاليه

ونتقليها في الزيت نقدمها مع صوص المايونيز والكتشب ..

وجينا للنقنقه



سمبوسة كات وبيتزا وتوست محشي دجاج ولحم ..

الـحــــلــــو

لقيمات طريقتها في اليوم الاول



برنقلز حالي



المقادير

5 ملاعق طحين و 5ملاعق سكر و نص اصبع زبده

بيضتان و فنيلا و فنجال ماء

الطريقه توضع المقادير كلها في الخلاط ونصبه في صينيه

مقدار ملعقه وننتظرها لمن تحمر الجوانب نطلعها ونحطها على طرف ملعقة الهريس انا كذا سويتها

واذا عندكم طريقه ثانيه عشان تنثني سوها واهم شي نشتغل بسرعه لانها بسرعه تجف

قدموها مع كسترد ..

سمبوسة بف باستر با جبن كيري سهله وما بيلها تعلموه فديتكم



وخلصنا سفرة اليوم الثاني ان شاء الله تعجبكم..

وعدنا بسفرة اليوم الثالث الغالب عليها الاكل المصري والله صدفه طلعت الاطباق

من ام الدنيا نبدا بسم الله ,,

منظر عام للسفره





ندخل في التفاصيل

كشري سبشل (( من يدي ))



الكشري



المقادير والطريقه

نغسل رز مصري وننقعه على حسب الكميه المطلوبه

انا حطيت كاس ونص رز وكاس الا ربع عدس

نسلق العدس ونشيل منه الرغوه اللي على الوجه ونتركه لمن يستوي

نشخله ونحتفظ بماء العدس نكشن بصله لمن تشقر ونزيد كمون وفلفل اسود

ونزيد الرز ونقلبه شوي بعدين نزيد ماء العدس على الرز ونسويه به واذا نقص الماي نزيد ماء عادي

ونظبط الملح اذا قرب ينشف المرق نزيد العدس ونتركها على نار هاديه ,,

المكرونه نسلقها ونكشن طماطه معصوره ومكعب ماجي وصلصل ونحط المكرونه

ونقلبها ونزيد عليها فنجال زيت زيتون ونتركها على جنب ,,

نحمر بصل للوجه ..

مرق الطماط والكمونيه



الطماط (( نكشن ثوم في قليل من الزيت ونزيد الفلفل الحار البودره والكمون

والفلفل الاسود ونزيد عليه ثلاث طماطات مبشوره ونظبط الملح ,,

الكمونيه

نكشن 3 فصوص ثوم بزيت زيتون اذا قرب يحمر نزيد ملعقة كمون

وفنجال خل وملح وربع كاس ماء ..

شوربة اللحم



طرقتها مثل الكبسه با الظبط فرقها بدل الرز نحط شوفان ..

سبكتي اللحم المفرووم (( من يدي ))



اول شي ناخذ لحم مفرووم + بهارت وملح + بصل مبشور + ملعقة نشاء

ونكورها ونحطها في الثلاجه ,,

نكشن بصل ونزيد عليه فلفل بارد وماجي وبهارات اهم شي الفلفل الاسود

و4 طماطات مخلوطه وعلبة صلصل وكاس ماء اذا غلت

نزيد كور اللحم ونتركها على نار عاليه لمن تتماسك ,, نكون سالقين الاسبقتي

ونحطها في صينيه ونزيد عليها الصلصه وندخلها الفرن وبس ..

محشي الملفوف بطريقة شذى 2004



http://www.hawahome.com/vb/t78830.html (محشي الملفوووووووووووووووووووووف بالصورة اممممممممممممممم)

والله انه الذ محشي ملفوف ذقته فعلا يستاهل التجربه ..

الحــلـــو

اللقيمات الطريقه في اليوم الاول



الشعيريه طريقتها في اليوم الاول ..



الكريم كرمل بطريقة اريام (( من يدي ))




http://www.hawahome.com/vb/t144185.html (قالب كريم كراميل سريع ولذيذ بالصور من ماي كيتشين)

بعد رهيب ويستاهل التجربه

وخلصنا اليوم الثالث با السلامه ..

سفرة اليوم الرابع

ها السفره والله مدري كيف كانت عندنا عزيمة سحوور

وما وعينا الا الساعه 2 وبسرعه بسرعه اذن وانا اصور

والله لا يوريكم لحظات الانتظار ونظرات القهر ههههههه بس كله عشانكم ,,

منظر عام للسفره








نخش على الاطبااق

ثريد (( خبز مشرب )) من يد امي ..



المقادير والطريقه

با النسبه للثريد للي ما يعرفه اساسه خبز المسح واللي ما تعرفه تطلب مني صورته فديتكم

نسوي مرقة خضاار با اللحم با استثناء البذنجان وتقدروون تستخدمون الخضر المثلجه

وطريقة المرق عادي نكشن البصل ونشقره بعدين نحط اللحم

والصلصل والبهارات وماء لمن تغلي ويستوي اللحم نص سواء او اقل من سواء

ونحط الخضر با التدريج للي يحتاج سواء اكثر اذا استوى المرق والخضر وكل شي تمام

نكسر خبز المسح في حافظه ونزيد المرق شوي شوي واخر شي الخضر ونتركه مغطى الى وقت التقديم ..

مكرونة لحم كبسه (( من يد امي ))



الطريقه مثل الكبسه با الظبط مع مراعاة كثرة المرق لان المكرونه تاخذ مرق اكثر من الرز

ونختار نوع كبير يتحمل المده الطويله على النار وعليكم با العافيه ..

شوربة كرشه انا عني مااحبها بس اهلي يحبونها (( من يد امي ))



نحط 10 ملاعق شوفان في ماء يعني ننقعها

نسلق الكرشه بعد تظيفها ونغير الماء مرتين مع هيل وقرفه ومسمار ومانحط ملح

نتركها 10 دقايق بس نجهز قدر فيه بصل وطماط صحيح وليمون اسود وماجي

وماء نتركها تغلي ونزيد الكرشه بعد ما نصفيها والشوفان

ونتركها لمن تستوي وتصير 100 % وبس أي اضافات بتكون حلوه

مثلا شوربة شعيريه ماجي او اخر شي بصل اخضر انتي وذوقتس ..

سمبوسة لحم وسبرنغ روول خضار (( من يدي ))



جزر وبصل وملفوف وبطاطس والطبخ على ذوقكم

والسمبوسه قبل القلي مباشره نغطيها في لبن وبعدين في طحين والنتيجه

على ضمانتي مقرمشه وما تشرب زيت ..

معجنات بطريقة هتووف رابطها في اليوم الاول (( من يدي ))



هذي مدري كيف طلع ديكورها بس امدحووها وعجبهم الشكل

حشيتها دجاج وجزر وفلفل بارد مع موزريلا

فطاير سبانخ (( من يدي ))



الحشوه من خالتي صراحه مدري وش طريقتها وعجزاانه اسئلها لووووووول

بس فيها سماق وليمون اسود معطيها طعم روووعه ..

سلطه رهيبه (( من يدي ))




طبقات الاولى بقدونس

والثانيه ذره مع ملعقتين ما يونيز ورشة ملح وشوي خل

الثالثه خيار

الرابعه بليله مع ملعقتين زبادي وملعقة طحينيه وملح وكمون وليمون

الخامسه خس

السادسه جزر وخبز محمر ..

الحـــلــــو

خلية نحل المارس (( من يدي ))



الطبقه اللي في الوسط كيري وحليب محلى وهرشي ..

شعيريه طريقتها في اليوم الاول



لقيمات طريقتها في اليوم الاول



وخلصنا سفرة اليوم الراابع ان شاء الله عجبتكم ..

ختام الاسبوع وسفره جديده سفرة اليوم الخامس

منظر عام للسفره









ندخل في التفاصيل بسم الله

محاشي (( كوسا و فلفل وبطاطس )) (( من يد امي وانا ساعدتها ))



الحشوه

نكشن بصل وثوم لمن تذبل ونزيد البهارات والماجي والصلصل

بعدين نزيد الطماط المعصووور ونتركها تتسبك

اذا استوت الصلصله نزيد الرز المصري المنقوع مع كزبره وبقدونس وشبت

وملعقة نعناع منشف ونحشي الخضر ونصفها في صينيه للفرن ,,

المرقه ي الخلاط طماط وماجي وشوي ملح وصلصل وبودرة الثوم

نغليها مع كاس ونص ماء ونصبها على الخضر وندخلها للفرن

تاخذ تقريبا ساعه ونص على حسب حجم الخضار ..

ملوخيه با الدجاج (( من يد امي ))



طريقتها جديده لان كل مره نسويها با مرق سلق الدجاج

اليوم سوينها مكشنه بصل ودجاج وطماط وشوي صلصل

وكمون وكزبره نزيد المرق ونظبط الملح ونحط الملوخيه المطحوونه

ونتركها على النار قبل التقديم نحمر ثوم في زيت زيتون وكزبره خضار

ونطشها على وجه الملوخيه ..

ماسالا الدجاج (( من يدي ))



نكشن بصل لما يحمر شوي ونحطه في الخلاط مه كزبره وعلبة زبادي

وفص ثوم ونردها على النار اذا غلت نحط قطع الدجاج ونتركها 10 دقايق

في الخلاط نحط طماطتين وملعقة صلصل وملعقتين جوز هند وشطه

ونحطها على الدجاج نتركها تتسبك وعليكم با العافيه..

وقدمتها مع رز با الشعيريه (( من يد امي ))



مكرونة دجاج نزلت الطريقه في اليوم الاول (( من يدي ))



شوربة كويكر با الدجاج طريقتها العاديه ..(( من يد امي ))



مقبلات حاره ,,

كلوب سانويش (( من يدي ))



محشي برجر لحم ,, بيض مقلي ،، طماط وخيار ,, مايونيز با الليمون ,, جبن شرايح ..

سمبوسة لحم (( من يدي ))



وكا العاده مغمسه في لبن وطحين ..

الــحـــلـــو

شعيريه نزلت طريقتها في اليوم الاول



لقيمات نزلت طريقتها في اليوم الاول



كيكة التوت عروووس السفره لليوم الخامس ,, (( من يدي ))


المقادير

نص كاس سكر

4 بيضات

ثلث كاس زيت

فنيلا

1 كاس صير توت

2 كاس طحين

1 ملعقه طعام b b

طريقه

نسوي الكيكه عادي مثل أي كيكه وندخلها الفرن

اذا استوت وهي حاره نسقيها كاس من عصير التوت وندخلها الثلاجه ,,

اذا بردت تمام نزينها با

2دريم ويب ,, نص كاس حليب و 6 جبن كيري وملعقتين سكر

وعلبة قشطه وندخلها الفريز لمن تجمد الطبقه تمام ,,

اخر طبقه

على النار كاس ونص عصير توتونص كاس ماء ملعقة سكر

و 3 ملاعق نشاء ,, نحركها على النار لمن تثقل ونصبها على الكيكه

وعليكم با الف عافيه ..

ختام الاسبوع اتمنى تكون الاطباق محل اعجابكم وتنوعها مناسبكم

الى اللقاء في اسبوع اخر ..

ما شاااااااااء الله لا قوة الا بالله

ما شاء الله عليكي سفرة دايمة وعامرة ان شاء الله

أطباق قمة بالروعه والترتيب ياغالية
جزاكي الله خير وربي يخليلك الوالده

ما شاء الله تبارك الرحمن


شغل نظيف وسفرة مرتبة
وماقصرتي في الطرق كفيتي ووفيتي
يعطيك العافية

بسئلك عن الصحون من وين شاريتهم اذا كنتي في الرياض

طقم او لا ؟؟؟؟؟

بسم الله ما شاء الله
تبارك الله

سفره روووعه
كل واحده احلى من التانيه
تسلم ايدك وايد الوالده

تصدقى كان نفسي اسال نفس سوال ام شامه
بس استحيت