المشاركة الأصلية كتبت بواسطة الوردة الحالمة

سلاااااااااام عليكم وحشني جدا

مش قادرة الحق واشوف اللي فات


بس بدحرج التماسي ع الحلوين


سلملم

المشاركة الأصلية كتبت بواسطة كتكوتة كتكوتة

ازيك يا مونى وازى الواد بودى السكر ربنا يحفظهولك ومعلشى على العلقة السخنة بتاعة المواصلات لا ولسه لما الناس تركب المواصلات وتسيب عربيتها بعد القانون الجديد ناس كتيير بدات تبيع عربيتها
وربنا يستر

بالنسبة للولادة كانت قيصرية الحمد لله والجرح ولا بطنى مش عارفة بالظبط ايه اللى تاعبنى ربنا يتمها على خير

بصى يا ستى الاول يوم السبت الساعة 5 العصر كده لقيت ميه بتنزل كتيير بس مفيش وجع خااالص كلمت الدكتورة قالت لى دى ولادة وتعالى على المستشفى علشان نتابع الجنين لانى مكنتش حاسة بحركتها من الصبح بس مش اخدت فى بالى قلت عادى اوقات بتبقى هادية

المهم ماما خافت نروح بسرعة علشان مش اخد الولادة من الاول بس كان الوضع مختلف مكانش فيه اصلا اعراض ولادة بس كانت الظروف كلها ملخبطة العربية كانت مع اخويا فى القاهرة واحنا فى شبين عند ماما والدكتورة فى طنطا

قلنا نجهز الحاجة واجهز على ما اخويا يوصل وماما بقت عمالة تلهينى يا عينى فى اى حاجة علشان القلق وطبعا مش عاوزة اقولكم على ما وصلنا المستشفى كانت 10 بالليل وكل ده مش حاسة بالحركة لما رحنا مكانتش الدكتورة موجودة بس جت دكتورة تانية تطمن على النبض ملقيتش نبض مسموع والرحم كان مفتوح للولادة كلموا الدكتورة قالت نستنى شوية ونسمع تانى قعدوا يحاولوا مفيش ركبوا لى اكسجين لحد ما الدكتورة وصلت وجرى على العمليات دقايق وطلعوا الكتكوتة الصغيرة والدكتورة بقت مفروسة منى تانى يوم تقولى ايه كنتى جاية من الصعيد ههههههه بس الحمد لله ربنا ستر ووصلت بالسلامة

بس مش عارفة واحدة خوفتنى من نزول الميه حوالين البيبى قبلها بفترة طويلة انه لا قدر الله ياثر على الجنين ولا حاجة انتم ايه رايكم فى الموضوع ده؟؟

بس كده وتوتة توتة جت الكتكوتة بنت الكتكوتة الحمد لله ربنا يحفظها ويحفظ اولاد المسلمين جميعا ويرزق كل اللى عاوز يوجع دماغه ويقلق نومه

المشاركة الأصلية كتبت بواسطة ام محمود وليد