‏تعرفون ان في الفتره هذه انتشرت اللابتوبات اللي فيها كاميرا
‏واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا
لكن اللي اغلبكم ما يعرفه انه انتشر برضو برنامج
‏يشغل الكاميرا بالمسنجر او السكايبي وانت ما تدري
‏يعني راعي البرنامج يدخل عليك ويشوفك وانت تحسب كاميرتك طافيه
‏والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<<


‏هذه ميزة بمسنجر بلس
واللي خلاني اكتب الموضوع هالسالفة :
‏يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
‏وشفته مبين عليه الهم والغم والدنيا مو شايلته
‏سالته وش فيك ؟
وقالي سمعت عن البرنامج اللي يشغل كاميرا النت
‏قلت له ايييييه وش بلاه
قال انا يوم السبت تارك ماسنجري مفتوح واللابتوب مشغل
‏ورحت اتروش ورجعت ابدل بغرفتي
‏يقول شويه واسمع صوت المسن اللي يطلع لو احد كتب لك كلام
‏ولما دخلت الا واحد يقولي شخبارك ومن هالكلام
‏وما امداه اخذ دقيقتين الا يقولي بوريك شيء .. ‏مقطع فيديو
‏خويي تحمس وجا يبي يطالع الا المسكين شاف نفسه وهو يبدل
‏يقول خويي الحمد لله ما اغمي علي ولما اخذ وعطى
‏الولد قاله اذا ما تبي المقطع ينتشر ادفع لي 1000 ‏ريال شحن سوا ترسله ا لي
‏طبعن خويي ما وافق لانه عارف ان الولد بيرجع له مرة وثنتين و3
‏الولد للاسف عمره 21 ‏وعاطل ومو هامه احد


حتى لما خويي قاله اتق الله فيني قاله مو شغلي ولا تفتحلي مواضيع دين
‏المهم ان الولد مهدد انه ينتشر المقطع
‏وخويي لما امس وهو مصدوم وحالته حاله وخايف
‏والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
‏غطوها بورقه او كسروها
‏او حطو عليها علك <<< ‏الاخيرة فكرة هنود ما تلاحظون
‏حبيت أنبهكم وبس والباقي عليكم
‏الله يستر على خويي يارب
‏الله يعدم جهاز الولد راعي البرنامج
‏والله يهديه او ياخذ روحه ويفك الناس من شره
‏قولو امين.
‏انتهى.
‏
,
,
للأمانة من

حسبي الله ونعم الوكيل
الله يجزاك خير اختي نبهتينا

الي عندها كمره في جهازها الافضل تحط لصقة عليها وترتاح
ومشكورة على التنبيه

مشكوررررررررررررررررررره على النصيحه

حسبي الله ونعم الوكيل فى ها الولد ويستر على اخوكي
بس كيف يشغلوا الكاميرا وهى تكون مو شغاله عند الطرف الثانى

اعوذ بالله منهم ومن شرورهم ومن افعالهم الله يهديهم

من جد الواحد لازززززززم يحذر ويحط لصقه او اي شي اهم شي يغطي الكاميرا

الله يستر علينا

مشكورة يالغاليه على التنبيه...
جزاك الله خير

سؤال من فضلكم ؟الموضوع ده فى اللاب توب فقط ولا فى الكمبيوتر ايضا؟

لان انا عندى كاميرا بالكمبيوتر


وهل يمكنهم الرؤيه اثناء اتصالى باحد ام عند تشغيل الماسنجر فقط دون اتصال؟

ارجواكم افيدونى000000

شكراً على التنبيه والله يجزاكي الف خير

الله يكفيني شرهم

والله الاب توب حقي فيه كاميره <<< الحمدلله من اول ماجبته وانا حطه عليه لصقه اسود


الله يستر علينا

الله يعطيكـ الف عاافيه