اخواتي الغاليات وانا اتصفح بعض المنتديات والا والاقي موضوع جد عجبني

وحبيت اطرحه لكم

الموضع عن وحده كانت تتمشى في احد الاسواق الا وتقول********* شرايكم اخليكن تقرون وش قالت


***********مره من المرارير >>
كنت بمملكة المرأة أدوور ماعندي سالفه كالعادة


وفجأه شميت شي


بس مو أي شي



ريحة تقول للي يشمها : ولا أي أي ولا زي زي


المهم إنها ريحة تعقد ،،


وريحة تعج عج بالمكان يعني بالعربي خلوها للعروس ولا تستاثمون بعمركم وتحطونها بمكان ثاني



المهم الحين أنا تورطت ،،


لأني مدري هالريحة الزينة جايه من أي وحده ...


مع أني خجولة بسؤال اللي ما أعرفهم عن أي شي ،، لكن هالمرة قررت أفقع وجه الخجل وأتحدى نفسي وأسال <<


فقعدت بمكاني وفتحت خشمي زين وجلست أتلفت يمين ويسار ،،


أبي خشمي يلقط صاحبة العطر المميز


يمكن 10 دقايق ،،،، وفجأه مرت الريحه مرة ثانية ،، وبسرعه مرت ،،


قلت بس ،،


هذيك اللي داعسة أم شعر حريري ،، هي صاحبة العطر المميز ،،


وأدعس وراها ،، وأناديها وأقولها لوسمحتي لو سمحتي ........ وقفت ويوم التفتت ،،


طلعت الأخت خادمة فلبينية وتنتظر معزبتها بنوته عمرها 11 سنة الظاهر


قلت لها :


ريحة عطرك غريبة وشي ..........!!


طالعت فيني باحتقار ،، ومشت وخلتني


إلا وحده وراي فاقعه ضحك ،، تقلي تسألين عن ريحتي صح <<< يحق لك


قلت : أي والله عجبتني الريحه مررره وريحة أعرفها وما أعرفها


فقلت أبسألك إذا ماعندك مانع << حتى لو عندك مانع بتجاوبين لاهنتي


المهم البنت طلعت طيوبة وضرييفه مره وقالت لي :


الكل يسألني عن عطري وهو عباره عن رش عطرين




الأول رجالي واسمه :


montal
الأسود



والثاني معروف :


استيلاّ العنابي





وقالت بعد :


مونتال اخلطيه مع اي عطر وبتطلع ريحتك غير وبتدعين لي


وفعلا


جربت وطلعت ريحه مميزة جداً ونفاااااااااثة




ان شاء الله اكون افدت حبيبااتي الحلوااات


عساني ما طولت ،،


ودمتم بود

منقول

ههههههههههه حلوة القصة وبجربة اشوف شكرا قلبو

الاحلى مرورك ياقلبي

مشكوووورة وهذا الموقف كثيييير يصير معاي ودائما اجابيته تكون انها حاطة اكثر من عطر..

مافيها شي لو احط عطر رجالي
ماصير ملعونه متشبه برجال في الريحه لو مخلوطه
ياليت وحده تفيدنا

انا ما اعتقد ان في هالشي فيه تشبه بالرجال لاني اسمع ان وايد من الحريم يتعطرون بعطور ازواجهم وانا وحده منهم وانا عمري ماسمعت فتوى تحرم التعطر بعطر الرجال والله اعلم ياقلبي وهالشي عادي طبعا اذا كان وسط الحريم ووسط اهلك وتسلمون حبيباتي لمروركن الرائع

يسلمو حبيبتي
و ان شاء الله اجربها

هلا وغلا للغاليه ورد المدينه واذا جربتيه حبيبتي قولي لنا شلون طلعت عندك ريحة العطور وتسلمي حياتي

بارك الله بك , شكراً أختي الكريمة