من حلب (1)
اعتقادات حلبية :
الاعتقادات العامة تتعلق بالجن والسحر وتفسير الظواهر الطبيعية ,والأمور الدينية وبعض المظاهر السلوكية في الحياة .
سادت هذه الاعتقادات حتى زرعت قلوب الحلبيين بالخوف , كخرافة البيوت المسكونة من الجن ...بسبب الشوارع غير المُنارة قديماً, والخوف من الموت .
من جملة هذه الاعتقادات :
1- الأرض محمولة على قرن ثور , وما بتعب قرن بنقلا الثاني ,وبتصير زلزلة ...(لما يتعب)
2- الجن تسكن تحت الأرض وإذا صبينا مي غالية لازم نزقزق .(.يعني نبوس الجن) , ونصيح : دستور يا حاضرين ....
3- إذا التبس الثوب على قفاه ببطل مفعول السحر.
4- إذا حدا صفّر بلتمّوا الشياطين .
5- اللي بقتل سبع أبو بريصات بضربة وحدة , بتنكتبلو حجة .
6- اللي بعض أضافيرو وبرميا عالأرض بتقل هيبتو .(يعضّ)
7- ما بنفشخ من فوق الولد تما يقصر....(.لاتخطّي من فوق الولد)...حتى لا يصبح قصيرا
8- البدخل على بيت المي حفيان بتّم اجريه نسّة ...( بيت المي : المرحاض)
9- البصلي 40 ليلة قيام الليل بطلع على وجه كنز .
10 – اللي بتخسل 40 أحد ورا بعض بتتزنكن ( تصبح غنية)..( بتخسل : تغسل كل يوم أحد)
11- لاتخاف إلا من أزرق العيون , وأفرق السنون .
12- المرا يللي عيونا زرق , وجّا دوم بكش الرزق ..(وجّا : وجهها)

أتمنى لكم قراءة ممتعة....

ادعو القارئات الكريمات أن يسألن عن المفردات التي يصعب فهمها عليهن , ولن أبخل بالرد إن شاء الله .

يتبع

تؤريني حبيبتي لوتس


يعني صحيح هي مصطلحات حلبيه بس بطلت هلا


يعني الكل صار فهمان والوضع صار احسن من غيرنا يعني محدا يحكي هالحكي هلا


ومابعرف وين المتعه الي بدك يانا نلائيها بقراية هالموضوع مالو اي اهميه والدليل انو مافي مشاركات


وتئبلي مروري خيتوو