بمناسبة نجاحي اهديكم ها الكم نوع من الحلا سويته لي بمناسبة نجاحي

ماشاء الله علي انا اللي انجح وانا اللي اسوي لنفسي والله اني موفره

اتمنى انه يعجبكم ,,

صوره للمجموعه



معمول تمر ملكي ,, بنت الكليجا الصغيره ,, كيكة الخنفروووش المقليه

يعني حلويات شعبيه بشكل عصري ’’



المعمول الملكي

العجينه

1 زبده لينه + فنجال سكر بودره + فنجال نشاء + ربع كاس زيت

1م متوسطه b b + وطحين لمن تتماسك العجينه ,,

نعجنها ونتركها ترتاح نص ساعه ,,

التمر

تمر نشل منه الفصم ونعجنه مع ملعقه صغيره هيل وملعقه صغيره قرفه

و4 ملا عق حليب ابو قوس وزيدي اذا شفتي انه محتاج ..

نكور التمر عشان تسهل علينا العمليه ونحشي فيه العجينه

وهذا شكلها بعد ما حشيناها



راح نستخدم الــة الوافــل لخبزها





وهذا شكلها بعد الخبز



والتقديــم



وهنا غلفته لان اخوي بياخذ منه لربعه



واختياري نرش عليها سكر وقرفه انا استغنيت عنها لان التمر مره حااالي ,,

بنت الكليجا


في الخلاط 3 بيضات

ثلاث ارباع الكاس سكر

نص كاس زيت

3 ملاعق حليب مجفف

1 ملعقه bb

1 ملعقه قرفه

1 ملعقه هيل

1 كاس طحين ابيض

1 وربع كاس طحين بر

تعجن وتترك لترتاح ربع ساعه وتكور صغار



وتدخل لفرن مدة 20 دقيقه وهذا شكلها بعد الفرن



نحطها في حافظه او اي علبه لها غطاء محكم

نكون مجهزين لها الشيره مكونه من 2 بياله ماء

2 بياله سكر

1 ملعقه قرفه

1 ملعقه ليمون اسود

1 وملعقه هيل

1 ملعقه وسط زنجبيل بودره

تترك على النار الهاديه مدة ربع ساعه بعدها نصفيها

ويصير عندنا شيره للكليجا



نصبها على الكليجا في الحافظه ونقلبها ونتركها عشان تتشرب



التقديم





كيكة الخنفروش المقليه رووعه مع شاي العصر

المقادير

3 بيضات

2 فنجال سكر

2 فنجال حليب

ربع فنجال ماء ورد مذوب فيه زعفران

ملعقه صغيره هيل

فنيلا

رشة ملح

كاس طحين

1 ملقه b b

الطريقه

تخلط المقادير مثل الكيك العادي ولاحظو راح تكون شبه سائله

وندخلها الفرن لمى تستوي ونقطعها



’بعد مانقطعها نقليها في الزيت



التقديم



وبس عليكم با العافيه ’’

نجاحك حبيبتي روح الفانيلا
ومشكورة على الحلويات الخطيرة ومافي احلى من شغل البيت

يعطيك العافيه وصفات روعه والف مبروك النجاح