الـسلام عليكم ورحمة الله وبركاته

بصراحه انا نزلت هالموضوع لان حاسه بمعانات غيري من الدايت انا امشي مع كتوره بالرجيم والحمد الله هالدكتوره مررررره شاطره

لاني من قبل كنت عندها ونزلت على ايدها 24 كيلو بس انا ما استمريت معاها ولا اخذت من عندها برنامج التثبيت اللي يخليني احافظ على وزني

وللأمانه والشهاده لله ان كل العالم يوم شافتني شافتني بشكل جديد وانا اللحين رجعت عندها وبستمر ان شاء الله وابي دعواااااتكم لي اني استمر وانحف

انا كل مره ان شاااء الله بنزل كل رجيم تعطيني اياه بوقته بحيث اللي حابه تسويه يكون موجود عندها اذا حابين اكمل طبعاً وانزل كل الرجيمات ماعندي مانع

بس اللي ابيه منكم انكم تبلغوني والدعااااااء لي ولكم انا اللحين ببداء من البدايه طبعاً انا بديت الرجيم من حوال 7 ايام وخلال الاربع الايام الاولى نزلت 4 كيلو ماشاء الله تبارك الله ..

وطبعاً الكل يعرف ان بدايت الرجيم لازم تكون نزله جامده

وبعدين تخف تصير كيلوين كيلو خلال الاربع ايام على حسب النظام

كيف النظام انا بعطيكم الرجيم تسونه اربع ايام واليوم الخامس يكون يوم مفتوح هذا عشان محد يمل من الرجيم ولا تنحرمون من شي تحبونه

واللي تحبون تاكلون كلوه بس بحدود المعقوله يعني مثلاً مشتهيه وجبة همبرجر من الوجبه تأخذين بس الساندوتش والباقي تبتعدين عنه

مو تاكلين اكل مو طبيعي لانكم لو سويتو كذا راح يثبت الوزن او يزيد والغرض من اليوم المفتوح ان المعده تكسر النظام تتفاجأ بأن الدايت اللي كنت تسويته اختفى

وتتأقلم على انك بترجعين تأكلين اكلك الطبيعي وبعدين تفاجأينها وتصدمينها بالدايت مره ثانيه وتبدا تحرق لك اكثر وهكذا بس اهم شي ما تكثرون باليوم المفتوح ...


وهذا الرجييم ..

الفطور ... حبه وحده فقط من الكرواسون الساده مع كاس شاي او قهوه بدون سكر او المحلي

----------------------------

الغداء ... ربع دجاجه بدون جلد مشويه + طبق سلطه مشكله مع القليل من الجزر + ربع خبز بر

او

خمس ملاعق مكرونه بالصلصه الحمراء+ طبق سطله مع القليل من الجزر

او

حبتين كفته مشويه + طبق سلطه مشكله مع القليل من الجزر + ربع خبز بر

او

سلطة فتوش عباره عن كميه من الخضار المطلوبه ويضاف اليها ربع خبز بر محمص في الفرن + حبتين كفته مشويه

او

سيخ شيش طاووق + طبق سلطه مشكله مع القليل من الجزر + ربع خبز بر

او

ثمن كيلو من السمك المشوي + طبق سلطه مشكله مع القليل من الجزر + ربع خبز بر

ملاحظه: يمكن استبدال الخبز بملعقتين طعام رز ... (( انا طبعاً اخترت الدجاج المشوي ))

--------------------------------------------------

العشاء .. علبة ذبادي قليل الدسم + حبة توست بر محمصه

----------------------------------------

وفيه فاكهه تأخونها مره وحده باليوم تكون بين الوجبات .. بين الغداء والعشاء او بين الفطور والغداء المهم مره وحده بس
والفاكهه المسموح فيها ..حبة برتقاله + 10 حبات كرز
او
حبة كمثرى متوسطه الحجم
او
شريحة اناناس + 10 حبات كرز
او
حبة خوخ + حبتين تمر
او
حبة تفاح متسوطه
او
3 حبات كيوي
او
شريحه 250 جم بطيخ اي مايساوي حجم الكف
او
شريحة شمام 125 جم نصف حجم الكف + حبة خوخ
او
15 حبه فراوله

------------------------------------

والقهوه والشي عادي اشربوها بس المهم مافيها سكر او المحلي الصناعي ولازم تكثرووووون من شرب المويه

ومثل ماقلت هالرجيم لمدرة اربع ايام فقط ...

واللي حابه تسوي رياضه المشي تسويها نص ساعه باليوم كفايه ..

اتمنى لكم التوفييق

ولاتنسوووووني من الدعاااااااااااء ..

Peace be upon you dear sister i want to thank you for that diet menu and i want to tell you that i am waiting for any other menu may allah reward you and bless you

تسلمين يالغلا وفعلاً وايد حلو الرجيم بس نبي توضيح اكثر

والله يعطيك العافيه ..........ارجوكم يا بنات اللي عندها تجربه تفيدنا لا تبخل علينا ولها الاجر من رب العالمين...........

ذكرتي إن السكر المصنع

يعني ما نحلي به ؟؟



وسؤال ثاني بعد ...



التمر مع القهوهـ العربيه وش مصيره :(



والله ينحفك وينحفني وكل وحده تبي تنحف