السلام عليكم ورحمه الله وبركاته..

ماشاء الله ولا قوة الا بالله

هلا وغلا فيكم أخواتي شو أخباركم ان شاء الله طيبين

ادري اني مقصرة معاكم ومن زمان ما أضفت لكم شي جديد .. بس الظروف تحكم..

وان شاء الله اليوم بنزل لكم موضوع لمعجنات بعجينتي .. ان شاء الله ينال على اعجابكم


أول شي ببدأ بمقادير وطريقة العجينة..
2/1-3 ك طحين (طحين رقم 1)
3 م ك حليب بودرة
3 م ك سكر
1 م ص ملح
1 م ك خميرة
1 م ص باكنج باودر
4/3 ك لبن دافئ أو روب
4/3 ك ماء دافئ
4/1 ك زيت

(( ك = كوب ... م ص = ملعقة صغيرة ... م ك = ملعقة كبيرة))

أول شي نخلط المقادير الناشفة والطحين أول شي فقط نضيف 3 ك ونضيف السوائل ونخلط وبعد العجن نشوف اذا العجينة تحتاج طحين زيادة أو لأ .. أنا بعض الأحيان تحتاج أزيد وبعض الأحيان لأ .. بس الأغلب 2/1-3 ك تكون العجينة ممتازة المهم في النهاية تكون عجينة طرية ولينة .. وانا أعجنها في العجانة تقريبا لمدة 10 دقائق أو اقل بشوي ..

وبعدين نترك العجينة تخمر .. ونبدأ في تشكيلها..

ونبدأ مع المعجنات..بسم الله ..


((ميني بيتزا))
هذي الطريقة التقليدة عادي .. مافيها شي بس حلوة وسريعة .. بس بدل الزيت في العجينة استخدمت زيت زيتون..





((بيتزا بالجبن والزيتون))
مسحت العجينة بالخلطة(كاتشاب+ مايونيز+أوريغانو+ريحان مجفف)


وزعت الموزاريللا


بعدين رشيت جبن شيدر وآخر شي حلقات الزيتون


دخلتها الفرن حتى نضجت واحمرت..ماشاء الله..


وهذي قطعة منها ,, ماشاء الله



((صمون بحشوة الدجاج))
الخطوات وضحة في الصورة.. وطريقة الحشوة عادي .. أول نضع بصل مع قليل من الزيت في مقلاة ونقلب حتى يذل .. ثم نضيف الدجاج المفرومونقلب ونضيف البهارات + الملح ..

نمسح الوجة بالبيض.. والأفضل بعد ذلك نتركها تخمر لمدة ربع أو نص ساعة ثم ندخلها الفرن حتى تحمر..





يتبع..

((فطاير التارت بالعكاوي))
نفرد العجينة .. ثم نقطعها بقطاعة دائرية..وتكون تقريبا بقياس صينية الميني كب كيك .. وبعد ذلك نضع الدوائر في الصينية..أنا قعطتها بقطاعة مشرشرة من الأطراف..


نوزع مكعبات من الجبن العكاوي(الأفضل يوم تشترون هذا الجبن قولو للبياع يعطيكم عكاوي اللي يذوب لأن في نوعين وللأسف النوع اللي استخدمتة ما ذاب) .. ثم نرش سمسم<<يعطي طعم رهييب..


ندخلها الفرن حتى تحمر.. وتقدم..ماشاء الله..




شوفو كيف شكلها ماشاء الله.. رووعة للتقديم..



((مربعات الزعتر المحشية))
الفكرة خذتها من أحد المواقع..وطبقتها وطلعت رهيييييييييبة .. وطعم الجبن مع الزعتر لذيذ!
نقسم العجينة لقسمين..ونمد القسم الأول في الصينية..ونثقبها بالشوكة..


نمسحها بجبن سائل(جبن الكاسات)..


ثم طبقة جبن شرائح(جبن سلايس)..


ثم مرة أخرى جبن سائل..


ثم نضع القسم الثاني من العجينة..ونثقبة بالشوكة..


نخلط كمية من الزعتر مع زيت زيتون..ونوزعة على الوجة..


ندلخها الفرن حتى تحمر وتنضج.. وتقطع .. وتقدم.. رووووووووعه..ماشاء الله


((البيتزا الكذابة))
طريقة الخلطة خذتها من أختي ميك أب آرتيست الله يعطيها الصحة والعافيه يارب.. وصدقوني طعمها ولا أروع..وعلى فكرة في النهاية الخلطة البيضاء طعمها مثل اللبنة بس مش حامضة!!

نفرد الغجينة في الصينية.. ونوزع عليها الخلطة التالية::
( 1 م ك مايونيز + 3 م ك جبن سائل + قليل من الزعتر)


نوزع على الوجة فلفل رومي + زيتون أسود + ممكن رشة أوريجانو و بابريكا و ثوم بودرة وسماق..


ندخلها الفرن حتى تحمر.. وتقطع وتقدم..ماشاء الله..




يتبع..

الحين خلصنا من الموالح.. ونجي للحلو يا حلوين

((خلية القرفة بالكيري))
نكور العجينة ونحشيها جبن كيري.. ثم نغطس الكور أولا في زبدة مذابة ثم نقلبها في خليط من القرفة والسكر البني..ونسمح الصينية بزبدة ونرشها بخليط القرفة..
وهذي الصينية مع الزبدة والقرفة..


هذي الكور بعد ما حشيتها..ثم نتركها تخمر..حتى يتضاعف حجمها مرة أخرى..


وهذا شكلها بعد التخمير..


ندخلها الفرن حتى تحمر((وللأسف بيومها انشغلت شوي أو بالأصح كان عندنا ضيف (رجال) وما قدرت أمر من الصالة حتى أروح للمطبخ وأطمن على الخلية.. ولين ما قدرت أمر والا الخلية قاربت على الاحتراق ..ههههههه بس الحمدالله نصها تحمر زيادة والنص الآخر مقبول..)
بس والله طعمها رهيب وهششششششة..ماشاء الله..





((كور الدونات بجوز الهند))

صحيح الفكرة قديمة.. بس والله الطعم ولا أروع.. وأمووت على هذا النوع من الدونات!!

وطريقته سهلة.. نعمل كور من العجينة ونحشيها جبن كيري..ونتركها تخمر مرة أخرى شوي ثم نقليها في الزيت حتى تنضج وتحمر.. ونتركها قليلا في مصفاة ثم نغطسها فقط خفيف في الشيرة ثم في جوز الهند..لذيييييييييذة!!

وهذا شكلها النهائي ماشاء الله..




يتبع..

((سينابون البيكان))
عاد هنيه خلاص .. مافي أي تعليق لأن اللي بتسويها .. بتدمن عليها .. والله روووووعه.. وقريييبة جداً من طعم السينابون اللي نشترية

أولاً هذي العجينة..(هنيه كنت مسوية مقدار ونص من العجينة)


مقادير الصوص::
4/1 ك زبدة
2/1 ك سكر بني فاتح
2/1 ك كورن سيرب.. وهذي صورتة..(ممكن بديلة العسل لكن للأمانة ولا مرة جربتة)


2/1-1 ك بيكان مجروش..
وهذي صورتة..

ودايما أجرش المكسرات بهذي الطريقة..وللأسف هذا المرة نعمت البيكان بزيادة .. وفي النهاية طلع شكلة مقبول بس أحلى لو كان الجرش لقطع أكبر شوي..


نضع الزبدة+السكر البني+الكورن سيرب على النار..


حتى تندمج المقادير وتصير بهذا الشكل..(مثل التوفي بس شوي سائل)


نرش صينية دائرية (هذي المرة استعملت صينية التشيزكيك وفي مرة استعملت صينية عادي بس لاحظت الأفضب الصينية العادية)بزيت أنا استعملت الزيت الرشاش..


ثم نصب الصوص وهو ساخن مهم(لأنه اذا نتركتوه شوي راح يجمد) ومباشرة نوزع البيكان..


بعد ذلك .. نفرد العجينة..على شكل مستطيل .. ونمسحها أولا بزبدة لينة ونرش قرفة ثم سكر بني فاتح..ثم نلفها على شكل رول ونقطعة لحقات..ثم نصف الحلقات على البيكان بهذا الشكل..


ونتركها تخمر مرة أخرى مع تغليفها بنايلون وهذا شكلها بعد التخمير..


ندخلها الفرن حتى تحمر .. وتنضج..وهنا بعد خروجها من الفرن ماشاء الله..


نتركها لدقائق ثم نقلبها..شوفو كيف شكلها ماشاء الله..وماعليه بنات شوي استعجلت عليها وما تحمرت عدل من الأسفل لو تحمرت زيادة بيطلع شكلها أحلى..




وهذي قطعة منها ماشاء الله..


يتبع..

وهنا أول مرة سويتها كان بالجوز بعد كل لذييييييييذ !! شوفو قطع الجوز كانت أكبر من البيكان فطلع الشكل أحلى..ماشاء الله..


شوفو شكل الصوص مممممممم .. روووعه..


وهذي لكم


وبالعافيه عليكم كل معجناتي..

ودعواتكم لأختكم همووسة بالخير

واي سؤال حياكم(f)

ماشااااااااااااااء الله تبااااااارك الرحمن



تسلم الاياااااااااااااادي يااحلى مبدعه



وياحظي كل المعجنات المالحه والحلووه لي انا ياويل اللي يقرب منهاااااااااااااا خخخخخخخخ

ماشاء الله تبارك الرحمن

الله يسلم إيدك هموووووووووسة

معجنات خياااااااااااااال وترتيب وأكيد الطعم يدوخ

حبيبتي أم نونا الخير كثير ويكفينا كلنا هموسة عملت حسابنا كلنا

لا تبقي طماعة خخخخخخخخخخخخ

الله يحفظلنا همووووووووووووسة غاليتنا يارب

ما شاء الله تبارك الله

كلها تنطق بروعتها

ماشاء الله

الف الف شكر لك

هموسة وتعبناك معانا

لاحرمك الله الاجر..