هذه عودة لي من جديد لأعطيكم آخر أخباري مثل ما وعدتكم
الحمد لله نفسيتي صارت أحسن بفضل الله تعالى ثم دعواتكم وتشجيعكم
طبقت كثير من نصايحكم واستفدت من أفكاركم ويكفيني إنكم فهمتوني وحسيتوا فيني مو مثل اللي عندي

الحمدلله خفت حدة البكاء عندي.. يعني ما صرت أصيح بدون سبب بس بسبب
والحمدلله انفنحت نفسي شوي للأكل
وبديت أحس بالحياة

حاليًا مشكلتي إني مو حاسة بالأمومة 100 %
يعني أحيانًا أحس إني أحب البيبي وأحيانًا ما أحس بشي
وأصعب وقت علي لما يصحيني من النوم ويصيح ولما يصيح وما أعرف وش فيه وما أقدر أسكته
في هالحالة ما أدري وش أسوي ويضيق صدري وتجيني الصيحة (أهم شي)

يعني بسألكم يالمجربات:
متى تحسين بالأمومة ؟؟ كتى تتعودين على طفلك؟؟ متى أتعلم أغسله وأسبحه لأني للحين ما تعودت؟؟
طول الوقت أحاتي وأفكر لو رحت البيت كيف أدبر نفسي من غير أمي وأخواتي؟؟؟
ذبحني التفكير بالبيت وبوضعي بعد الأربعين! كيف أدبر أموري؟؟ كيف أرتب وقتي وأرتب وأنظف البيت وأطبخ؟؟؟
هذي الأسئلة مأرقة تفكيري ما ودي أرجع البيت
أبغى أقعد عند أهلي لين ما يكبر ولدي...
يعني تقريبًا هذا اللي مضايقني

بالنسبة لزوجي
يجي يقعد مع أهلي شوي ويلعب مع البيبي وبعدها ينام لأنه يجي بالليل الساعة 9 تقريبًا
أحس إنه ما يهتم فيني وما يعطيني اهتمام كبير ... مدري كيف أشرح لكم.. احس إنه مو مقدر حاجتي له هالأيام..
قلت له إني محتاجة له حسيت إنه ما اهتم واجد.. كتبت له رسالة صفحة كاملة عتاب حطيت فيها اللي بخاطري قرأ منها 3 سطور وتركها.. وبعدها سكت وما تكلم ولا علق..
بكيت عنده عصب يقول لي ما له داعي تصيحين ما فيك شي.. وماسك علي.. كل الحريم ولدوا.. كل الحريم جابوا عيال.. ما صار فيهم شي..
مو مقدر أو إنه مو فاهم أو إنه مو عارف يعبر ما أدري ما أدري وش فيه ولا أدري كيف أتعامل معاه..
اللي تعرف تقول لي الله يجزاها خير...
معليش طولت عليكم.. لي عودة ثالثة بعد كم يوم.. بس أنتظر تفاعلكم كما في المرة الأولى
وأبغى أعرف حاتي طبيعية وإلا لا !!!!
أنا في انتظاركم











اللهم صلي وسلم على نبينا محمد وعلى آله وصحبه أجمعين

اللهم صلي وسلم على نبينا محمد...


حبيبتي حالتك طبيعية... ولا تحاتين كثيير...


أغلب الأمهات الجدد يعانون من نفس مشكلتك...


بس انتي حاولي تبدأين تعتنين بالبيبي... يعني لا تخلي كل حاجة على امك... أعتمدي على نفسك....

تراها حاجة حلووة.... صح فيها شوية تعب... بس رووعة..


أما أحساسك بالبيبي... فعن تجربتي كاان عاادي عندي بنتي تصييح.. أغيب عنها فترة ولا أشتااق لها... اعصب عليها لما تصيح واطفش منها....

بس بعدين لما صارت تناغي وتضحك ... حسيت فيها... وصرت لما أغيب عنها وقت طويل اشتاق لها.. وأفكر فيها كيف تآكل ؟؟ كيف تناام؟؟


أما تنظيم الوقت بعد ماترجعي بيتك.... فيبغاله شوية شطارة منك...


ونصيييييييييييييييييييييحة لا تعودين البيبي يجلس علييك... خليه يتعود على الأرض أو الجلاسة... لأن حيجيك وقت ماراح تكوني فاضية له...

تصدقين انا عودت بنتي على الجلاسة... لما أدخل المطبخ واسوي الغداء.. تدخل معاي المطبخ بجلاستها...

واحياناً أضطر أدخلها معاي الحمام الله يكرمكم.... إذا بغيت اتحمم ولا عندي احد بالبيت اخليها عنده...

والحمد لله ما أتعبتني كثير..

أما البكاء ممكن يكون بسبب مغص أو ألم الأذن... لا ترضعيه وانتي نايمة... لازم تكون وضعيتك في الرضاعة صحيحة حتى مايتألم من أذنه بعدين... والمغص له نقاط تآخذينها من الصيدلي.. تخفف الألم كثيير وتخليه ينام مرتاح..

ولو تسوي له كراوية ويانسون وتحلينها بسكر نبات رهييييبة للمغص وينام على طول...



أما زوجك فصدقيني هو حاس فيك بس مو عارف كيف يعبر لك....

وبعض الرجال مايعرف كيف يتصرف مع زوجته بمثل هذي الأمور... فأنتي طولي بالك معااه.. وأدعي ربي يسخره لك..

وقولي له أنا ما أبغى إلا أنك تقدر تعبي وتحسسني أنك مهتم وبس...



هذا اللي اقدر افيدك فييه...




دعواااااااااااااااااااااااااااااااااااااااااااتك.. ...

حملي ماراح يتم..... وبكرة رايحة للدكتورة ويمكن اسوي عملية تنظيف...

أدعيلي ربي يعوضني خير...







مع خالص حبي........................

هتاف المجد ياجعل ربي يرزقك كل اللي تتمنينه
ويدخل الجنة أنتي واللي تحبين
بصراحة حسستيني إنك فاهمتني بشكل غير طبيعي
يعني من جد كل اللي قلتيه صح 100 % وكلامك واقعي ويريح القلب مرة
بإذن الله راح أتبع نصايحك كلها اللي مثل الذهب
أشكرك على مشاركتك اللي وسعت صدري
بس ضاق صدري بالأخير على موضوع حملك
الحمد لله على كل حال
الله يعوضك خير يارب في الدنيا والآخرة ويحفظ لك بنتك وأبوها وييسر لك كل أمورك يارب
وطمنيني عليك برسالة إذا رجعتي من المستشفى طيب؟؟؟

ربي يحفظك





اللهم صلي وسلم على نبينا محمد وعلى آله وصحبه أجمعين

ايه يا ام عبد الرحمن مالك ياحبيبتي شدي حيلك كدا وخليكي قويه وكلها كام يوم وتبقى كويسه ان شالله


طمنينا عليكي علطول وخدى عبودى في حضنك علشان طول ما انتى بعيده عنه مش هتحسي بيه ولا بالامومه


وان شالله تبقى كويسه طمنبنا عليكى علطول

يا حبيبة قلبي والله كدرتي خاطري لكن هذي فترة تمر على كثيرات


في ايام الولادة وتنتهي ولا كإنه صار شي انت دايم أتحصني بالأذكار وأرقي نفسك


ولاتكتمي اي شي فى نفسك واحنا اخواتك لك عيوننا وإحنا حاضرين إذا ضقتي


أدخلي المنتدى وسولفي معانا الله يفرج همك يارب ( ياليتك جارتي )


ربي يحفظك ويحفظ مولودك ويرعاكم ........

البنات ما قصروا الله يعطيهم العافيه كفوا و وفوا


حبيت انبهك على ادعية الهم والغم وذكر الله كثير والاستغفار والدعاء

وكلنا مرينا بحالتك و اسوء منها حتى اني اخاف من الحمل علشان حالتي النفسيه مو علشان الالم خاصه انو اذا كنتي عند زوج واهل ما يقدروا المساله هاذي ولا يعترفوا فيها مسالة الاكتاب ما بعد الولاده

عادي حبيبتي انا كنت ابكي لين اشبع ولا احد داري عني الا الي خلقني وهو اعلم بحالي من نفسي والزوار ما ابيهم ابدا بس كنت اضغط على نفسي واجامل تخيلي كنت حتى زوجي ما اطيقه بسب حالة الاكتاب 000

اللهم فرج كرب عصير توت واذهب همها ونور قلبها بطاعتك وبحبك يا ارحم الراحمين

ام ندى
شفتي كيف الوضع؟؟
الله يكون بالعون

ليوني عيوني
من جدددددددددد يالييتك جارتي
طيب انتي وين ساكنة يمكن نكون جيران؟؟؟؟؟؟؟
والله يجزاك خير عالنصايح الحلوة ولا يكدر خاطرك ابد

ام جهاد
ردك مثل البلسم على الجرح
الله يجزاك خير عالدعوة الحلوة
وبصراحة الوحدة ترتاح بس تعرف إن حالتها طبيعية وفيه ناس مثلها فتتطمن
الله يطمن قلوبكم





اللهم صلي وسلم على نبينا محمد وعلى آله وصحبه أجمعين

السلام عليكم ورحمة الله وبركاته
أن شاء الله كل هذا بيكون من الذكريات .................وبتكونين الحين بخير

أم يوسف
الله يسمع منك يارب











اللهم صلي وسلم على نبينا محمد وعلى آله وصحبه أجمعين