السلام عليكم
طافكم يالكروشات وغير الكروشات من الأخوات
أنا حامل بطفلي الأول وبكرة أخلص الشهر التاسع
واليوم رحت المستشفى ودخلوني قسم الولادة لأنهم يبغون يسوون تخطيط للبيبي
وأول ما دخلت سمعت صوت وحدة تصرخ وتون تون تون ونين يخوووووووف
بصراحة تروعت وطلعت من القسم أصيح ونزلت علي حالة خوف وهلع ودموع لا إرادية
وأنا أساسًا نفسيتي مو حلوة هالأيام وكنت أبغى أولد بسرعة وأرتاح لكن بعد اللي سمعته اليوم بصراحة ودي أبقى حامل ولا ودي أولد

سؤالي:
هي ليه كانت تصرخ كذا؟؟
الولادة لهالدرجة تخوف وتألم؟؟
معاي حق لما خفت وإلا لا ؟
وهل تأيدون الصراخ والزعيق وقت الولادة؟؟
أرجوكم أجيبوا على أسئلتي









اللهم صلي وسلم على نبينا محمد وعلى آله وصحبه أجمعين

السلام عليكم ورحمة الله وبركاته
معاك حق بعد التجربه وانا لما حملت اول مره كل ماوحده وصفت لي ماخفت بس ولدت المرتين التالي صرت اخاف من الولاده قبل اوانها وبسبه لصراخ ماايده نهائي وماقلتي اشرايك في اسم بنتي

حبيتي وقت الطلق اخذي نفس عميق

ولا تصرخين لانه كل ما صرختي كل مازاد الالم >>تنصح الناس وهي بروحها تحط الدنيا على راسها

ههههههههه

الله يهون عليج ويسهل ولادتج

ولا تحاتين والله نفسيتج تتعب

وان شاءالله لين شفتي البيبي

بتنسين الالم وابو الالم

شوفي في ابرة يعطونها في الفخذ تخفف الالم ولا تحسين فيه

ماادري اذا في السعودية يعطونكم اياها والا لا بس احنا في البكر يعطونها لنا

وانتي اسإلي عنها والله يقومج بالسلامة ويقر عيونج بشوفة البيبي

امييييين

الله يسهل عليك يا أختي ولادتك

واقرأي سورة مريم وإنتي رايحة تولدي

ولا تنسينا يا أختي من دعواتك لنا وقت الطلق إن الله يرزقنا بالحمل القريب <<< الدعوة مستجابه

الله يهون عليك ابد لاتصيحي وخذي نفس وانشاء الله يزول تعبك وتحسي راحه بعد كذا غير عاديه ولاتنسي ان في ساعة الولاده الدعوه مستجابه ادعي لكل محروم ان الله يزقه والله يقومك بالسلامه

ياحليلك

الله يسهل عليك وتكون ولادتك ولاأسهل منها

وان شاء الله اذا ولدتي بنسئلك هالأسئله لاننا غشيمات في هالأمور

الله يرزقنا بالحمل عشان نجاوب على اللي يسئلنا عن الولادة

الله يسهل عليك وان شاء الله اللي جربوا الولاده الطبيعيه يفيدونك

نور القلب:
الله يصلحك روعتيني أكثر مما أنا متروعة
بس ما قلتي لي وش اسم بنتك؟؟

شعاع الأمل:
أنتي بعد روعتيني شفيكم اليوم؟؟
يعني لهالدرجة الألم قوي يسبب الصراخ؟؟؟؟
تسلمين على الدعوة الحلوة
وبالنسبة للأبرة قلتي لي عنها قبل كذا وإن شاء الله الموعد الجاي أسأل عنها لأني سألت عن إبرة الظهر قالت لي الدكتورة ما عندنا

متجددة الأمل:
الله يرزقك الذرية الصالحة قريبًا
وشكرًا على الدعوة الحلوة

أم منار:
تسلمين على الدعوة الحلوة
وإن شاء الله أطبق نصايحك.

حرم تركي:
الله لا يحرمنا من خفة دمك
تصدقين إني حبيتك من عدة مواضيع وردود لك
الله يسعد قلبك وأسأل الله تعالى أن يرزقك الذرية الصالحة عاجلاً غير آجل
وإن شاء الله إذا ولدت بقول لكم وش يصير لأني بصير خبرة وأتدلع عليكم

أم ليان:
الله يجزاك خير عالمرور ويخلي لك ليونة


تسلمون كلكم عالمرور والتفاعل وأتمنى ما تنسوني من دعواتكم الحلوة
حتى اللي ما ردت أتمنى إنها تدعي لي بظهر الغيب شايلة هم كبييييييييييييير
وإن شاء الله أبشركم قريب






اللهم صلي وسلم على نبينا محمد وعلى آله وصحبه أجمعين

ياقلبي عليك اثريك خواااااااافة
الله يفرج عليك ولاتنسيني وقت الولادة ادعيلي بالذرية الصالحة