بسم الله الرحمن الرحيم
السلام عليكم ورحمة الله وبركاته

أخواتي العزيزات ....

انا محتاجه حييييل حييييل لردودكم


انا حامل وفي بداية شهري الرابع.... أشعر بالتعب الشديد وهذا طبيعي على حسب ما سمعت وهذي أول حمله لي...

انا أسكن بعيد عن أهلي وأهل زوجي يعني في مدينة ثانية وأمي دائما تكلمني وتقول لي لا تشتغلين كثير وارتاحي كثير ....

وتحذرني من كوي الملابس وكنس البيت وغسيل الملابس باليد والأعمال الشاقه الأخرى وتقول لازم زوجك يسويها عنك

ومشكلتي ان زوجي ما يرضى بهالشي ويقول هذي مو شغلتي وانا صرت محتاره وما ألقى من يساعدني ولا أقدر أترك شغلي

أمي تقترح انها تكلم أم زوجي حتى تفهم ولدها بضرورة انه يساعدني

فأنا أبي رايكم يا أخوات ...

مع العلم اني ما حملت الا بعد أكثر من سنتين وهذا الشي مخلي الكل يخاف علي حيل حيل بس أحيانا أو كثير من الأحيان يظن زوجي ان تعبي ماهو الا دلع



ايش رايكم ........ أرجو الرد في أقرب وقت ممكن

الزم ما عليكي راحتك

وحاولي انك تسوين شغل البيت بشويش

يعني كل فتره سوي لك شغله..

واذا كان موعاجب زوجك الحق قولي انا اهم ما علي صحتي وصحه جنيني

اما الشغل القوي لا تشتغلينه

كوي الملابس اكويها وانتي جالسه

اما الملابس الله يعافي الغساله

الله يهون عليك يارب ويحفظ لك جنينك

مشكورة حبيبتي على ردك

والله يجزاك خير

الله يتمم لج حملج على خير ويحفظ لج الجنين

الله يهديه يعني اول حمل لج وعقب كم سنة

المفروض يكون مشتاق للبيبي اكثر منج

اذا هو رافض انه يساعدج

خليه يجيب شغالة اللي بالساعات علشان

تساعدج ..

وانا اشوف مب عيب اذا الرجال ساعد زوجته

[[

حبيبتي اشتغلي في بيتك حبه حبه

ولاتخلي اي كان يكون يدخل بينك وبين زوجك

وامك ماتبي تخليك تشتغلن بالبيت من خوفها عليك

اذا كان الحمل الحمدلله مستقر ومافيه اي مضاعفات

اشتغلي بيتك بس لاتجهدي نفسك

و اذا ماتقدري خادمه بالساعات ترتب بيتك وتمشي

الله يسهل عليك واذا كلمتك امك مرة ثانيه

قولي لها يساعدني .......... الله يفرجها عليك

انا انصحك انك تسوين شغله وترتاحين يعني بين كل شغله لازم ترتاحين
وانا اقولك كل الازواج كذا ما يحبون يشتغلون شغل البيت
انا مرات اكون دايخه واكون اشتغل في المطبخ اقوله ساعدني لكن يرفض لكن اجلس ارتاح لين تروح الدوخه وطبعا الاكل ياخذ وقت طويل
واما كوي الملابس مثل ما قالت اختي reemar وانتي جالسه
والله يتمم حملك على خير يارب ويرزقك انتي وجنينك الصحه والعافيه

فراولة زوجها
أنتي ما سميتي نفسك بهاللقب إلا وزوجك طيب وحبيب الله يخليه لك
تقريبا ما فيه رجال بالدنيا يرضى تقولين له سوي شغل البيت كله
لكن ممكن وأنتي تكنسين تخلينه يكنس هو شوي
أو تخلينه يساعدك ببعض الأشياء البسيطة
نصيحتي لك
لا تخلين أمك تكلمه
إذا أنتي تعبانة تفاهمي مع زوجك بالهدوء والكلام الحلو وقولي له إنك تعبانة واذكري له الآية (وهناً على وهن) و (حملته أمه كرهاً)
وبالنسبة لأعمال البيت ما تضر الحامل أبدًا خصوصًا إذا سويتيها شوي شوي حبة حبة لا ترهقين نفسك
سوي الشغلة مرة في الأسبوع
مثلاً يوم للكنس ويوم لغسل الملابس ويوم للكوي وكذا
والله يتمم حملك ويرزقك الذرية الصالحة



اللهم صلي وسلم على نبينا محمد وعلى آله وصحبه أحمعين

عزيزتي

اذا انتي من كم سنه ما حملتي وحملتي الحين الله يارب يثبت حملك يارب العالمين
ونصيحتي روحي ريحي في بيت اهلك لين تولدين اذا تعبانه حييل انا عن نفسي لو جاني مغص قلت له ودني عند اهلي تعبانه لان انا اهلي يهتمن فيني اكثثثثثثثثثثر من زوجي على انه حبيب وطيب بس الاهل غير

وبس ما ادري اذا نصيحتي صح او لاء بس انا كذا اتصرف

والله يكتب لك الخير