الطريقه والمقادير مع بعض
اولا نجهز العجين وهو عباره عن دقيق الكميه اللي انت تبغيه وماء وملح ونعجن










ويتكون عندنا عجين قاسيا نوعا ما كما في الصوره






وبعدين نطلعه من العجانه او باليد ونعجن حتى يصبح عجين ملساء وحلو كما في الصوره ونتركه بعد دهنه بقليل من الزيت ليرتاح ونغطيه لمدة نصف ساعه





اثناء ذلك نبدأ بتجهيز الإيدام اوالصوص زي ماتحبه تقولوه المهم وهو عباره عن
لحم مقطع الى مكعبات وعظم لوحده




وفاصوليا خضراء مقطع بهذا الشكل والكميه اللي انت ترغبيه









طماطم مقشرومقطع مربعات صغيره وبصل وفصين ثوم وزيت حوالي ربع كوب او اقل بقليل





نجي في قدر نحط الزيت لمن يسخن قليلا نحط عليه البصل والثوم ونقلب الى ان يحمر قليل كما في الصورة






ثم نحط اللحم والعظم مع بعض فوق البصل ونقلي ونتركه ونغطيه الى ان يطلع مويته








ثم نحط الطماطم عليه ونتركه قليلا الى ان يذبل الطماطم





ثم نحط 5 ملاعق كبيره صلصه ونتركه الي ان يتسبك مع بعض كما في الصورتين










بعد كده نصب مقدار لتر مويه ونتركه ونغطيه على نار هادئه الى ان يستوي اللحم والعظم

[



ثم نرجع للعجين واحنا بنسوي العجين لازم ننتبه لقدر المرق في هذا الاثناء يكون العجين ارتاح واخذ كفايته من الراحه نطبطبه قليل






ثم نقصه بالسكين كما في الصوره






هنا جيبي بصحن مقدار من الزيت لأنك تستعمليه في العجين تدهني العجين ويدك






ثم تجلسي وتسويه زي الصوره اي تفتليه بيدك طبعا هو بيدين بس انا علشان اصور بيد واحد سويته لا حظي الصوره جيدا







وتلفيه في الصحن وبين كل لفه ولفه ادهني علشان ما يلصق مع بعض وغطيه واتركيه قليلا







دحين ارجعي للقدر حق الصوص و حطي فيه الفاصوليا كما في الصوره وقلبيه







وزيدي مويه حاره عليه قليل واتركيه على نار هادئه ورجعي مره تاني للعجين مشوار صح

دحين هنا ابدي حبه حبه العجين واجلسي افتلي فيه اما فوق الرخام او بيدينك كما في الصوره يعني العجين حيكون
بين راحة يدينك وتجلسي تسوي تفتلي بس لا تضيعي طرف العجين البدايه يعني الى ان ينتهي المقدار بس لا تنسي الزيت بين فتره وفتره ادهني يدك









تابعي الصور

هذه مجموعه كلها







دحين بعد ماصار نحيف زي الاسبكيتي امسكي طرف العجين ولفيه من اليد داه لليد داه ولبسي على اصابعك كله كما في الصوره





حيكون كده كما في الصوره





هنا انتهيت منهم كلهم وحطيتهم في سفره قماش احنا البخاريه لازم يكون عندنا سفره قماش لانه اكتر شغلنا عجين وجلسه على الارض







دحين في قدر حطي مويه مليانه واتركيه الى ان يغلي






وشوفي معاكِ قدر الايدام حيكون الفاصوليا واللحم استوى تمام طفيه او
اطفي النار يمكن اضافة الفلفل الرومي مقطع مربعات والملفوف او (الكرنب)قليل يطلع تمام بس انا ماحطيت
لمن تفور المويه او غاشت زي ما يقوله
جيبي اللغمن وحطي عليه وبالشوكه قلبيه وفككيه عن بعض





غلوه كما في الصوره





غلوتين كما في الصوره






جيبي صفايه وتحته صحن تاني وشيلي اللغمن اللي استوه وغسليه بمويه عاديه






لا تكبي المويه لانك حتفوري على دفعات مو كله مره وحده حبتين حبتين حسب المقدار اللي انت سويتيه

بعدين حطي في صحن التقديم وحطي فوقه الايدام وبالعافيه عليكِ












مع الفلفل البخاري والليمون او الخل وهني

الطريقه الاسهل والكذابي طبعا وقت الزنقات بس مو للضيوف للضيوف بيدنا نجلس ونسويه اما في البيت بسرعه نسويه بالمكينه نفس العجين ونفس الصوص او الايدام






نفرده في رقم واحد ونرش دقيق ورقم ثلاثه ونرش دقيق ونتركه قليلا






ونسويه كما في الصوره بالماكينه اللي نسوي فيه الاسباكتي بالمكان الصغير










وبالعافيه عليكم يارب هذه هديه للاخوات اللي طلبوه مني
أما قبل ما تسالوه عن الفلفل البخاري الخاص بالاكلات البخاريه فأنا انزل الطريقه كيف وما كيف
اولا الفلفل الاخضر او القرون فهو كميه من الفلفل الاخضر مع يعني حوالي 15 حبه منظفه من البذور ومع 10حبات فصوص ثوم وقليل من الملح نفرمها بالفرامه ونسخن زيت في قدر ولمن يسخن مزبوط نصبه فوق الفلفل المفروم وياسلام






الثاني الفلفل الشطه الحار الاحمر السوداني التكروني له عدة اسماءاللي تقوله عنه مطحون ورأس ثوم مفروم لوحده تسخني زيت كميه حوالي كوب كامل
وتسخنيه وترمي عليه الثوم المفروم الى ان يصير محمر ومقرمش كما في الصوره وتتركيه إلى ان يبرد قليل لا تحطي الشطه دحين وهو حار لمن يبرد قليل حطيه وملح









وقلبيه يعني يأخذ منك اربعه ملاعق كبيره وياسلام






وهني ترى علمتكم سر من اسرار ي الفلفل بطريقة أمي الله يرحمها
وعافيه عليكم

همس الربيع
الله يسلمك شكرا لكِ
عسل حضرمي
الله يعافيكِ اختي
بالنسبه لل15 حبه قرون فلفل اخضر يعني تفرميه مع الثوم بالفرامه يد او كهربائي اللي تبغيه المهم يكون مفروم وتسخني زيت حار وتصبيه فوق الفلفل اختي يعني زي ماتسخني زيت وتصبيه فوق الفول عرفتي
والفلفل التكروني او الشطه الحمره الحاره له عدة اسماء شطه حاره الناشفه عرفتيه تجي في السوق مطحون تحطي منه اربعه ملاعق كبيره على الثوم اللي قليتيه وحمصتيه في الزيت ارجوا انك فهمتي واي استفسار انا حاضره اختي عيوني لكِ

tamatem1
الشكر لك موصول اولا وآخرا اختي
ويسلمك يارب انت الاحلى شكرا لكِ