السلام عليكم ورحمة الله وبركاته


اشكر ظيوفنا على مجهودهم والله فيكم الخير ما قصرتو


انا مشكلتي بسيطه بس فينفس الوقت شايله همها

انا متقدملي واحد عقد حاله اننسان يعرف ربه وخلوق مشا الله عليه وفي نفس الوقت فقير

واهلي يعايروني بفقره ومش عاجبهم هالرجال وكل شوي اختي تقارني باخوات زوجها اللي انخطبن

واللي خطبوهم جابولهم هدايا اطقم ذهب وماعرف شو


كل شوي تقعد تقول شوف الناس كيف وهذا مب هاين عليه عالاقل يجي يعقد بسرعه

ولا قادر يجيب المهر بسرعه مع العلم ان مهري 20 الف

انا كل ما اسمع اختي واهلي جي يتكلمون يظيق صدري لني انا اصلا ما اهتم بالماديات المهم الرجال وصفاته وخلقه والاهم انه يخاف ربه وانه شاريني هذا اللي انا افكر فيه

بس اهلي يفكرون في المهر والذهب والشبكه ووين بيعيشج


اناالحين مخطوبه من 8 شهور واهلي يعايروني حتى لو ما تكلمو بنظراتهم ليا بكلامهم عن البنات اللي انخطبو بعدي وعرسو قبلي

صرت ما احب اسمع كلامهم وبصراحه تمسكت بخطيبي اكثر لنه كبر بعيني

واختي كل ما تتكلم عنه تتكلم بدون نفس وتقعد تخبر امي عن اخت زوجها اللي انخطبت وخطيبها جابلها ملابس وذه وجاب لمها بعد

تقعد تقول لمي هذا احنا ماطلبنا منه شي بس نباه يعقد انزين ياشيخ هو بيعقد بس ظروفه شوي صعبه وهم يبون بسرعه يقولو تاخر وايد

وانا خايفه انهم يسووو شي من وراي

شيرو علي يزاكم الله الف خير

انا اللي صح ولا اهلي


وادعولي عسى ربي يتمم لي على خير ويرتاح بالي

انا عمري 20

وانا خلصت الثانويه وحاليا قاعده بالبيت

وهلي مستواهم الاقتصادي متوسط عاديين يعني

تسلم يااااخووووووووي وكلامك صح


والرجال هو قادر انه يجيب المهر بس يبا احد يصبر عليه شوي ياشيخ اذا كان كل حد من الاهل فكر بالفلوس وماعطى احد من الشباب فرصه ماحد بيتزوج بعض الشباب يبون يتزوجون بس عارفين ان طلبات البنات واهلهم وااااايده وهم يمكن يكونو في بداية حياتهم يعني كل واحد من هالشباب يبا يتزوج بس يوم يشوف طلبات هو مب قادر عليها يترك البنت


وياشيخ صدقني البنت العاقله هي اللي تفكر في الرجال مب بسهوله وبذات هالايام من الصعب الوحده تلاقي رجال صالح ومتقي ربه والوحده شو اللي يهمها من هالدنيا الا الستر والاشيا الماديه هذي تجي بعدين


حتى اذا ما قدر يجيب الشقه الوحده لازم تصبر في البدايه معظم اللي تزوجو عيشو زوجاتهم اول شي مع اهلهم ويوم الله فتحها عليهم جابلها شقه


انا هذا اللي حاطته براسي ياشيخ في شباب وايد هالايام على قد حالهم يعني كل هذول ما ينفع يعرسون الواحد يمكن يقدر يوفر بس مب ببزخ



تعرف ياشيخ انا استخرت الله في بداية الامر وحلمت بشي عظيم الحمد الله وحسيت براحه كبيره ولله الحمد هذا اللي خلاني متمسكه فيه


ولا انت شو رايك ياشيخ

اختي الله يوفقك لما يحب ويرضى
أنا لااعارض زواجك منه لكن لابد من ان يكون المتقدم له خطوات جدية لتكوين اسرة اقصد يكون جاد في وعده وان كانت بعيدة اخلصي النية لله عزوجل والله يرزقكما لكن لابد من حديث الرسول صلى الله عليه وسلم عندما ذكر الاستطاعة مطاب لزواج مع عدم فهم ان ذلك مبالغة مني فالامر بالتراضي بين الاثني الزوج والزوجة والسعادة لاتقاس بالمال




اليك هذه القصة
















بأيهما تقتدي ؟؟
حُكي أن أحد القضاة في مدينة مرو بخراسان أراد أن يزوج ابنته فشاور مجوسياً فقال له المجوسي: يستفتونك الناس وأنت تستفتيني؟! قال: لابد أن تشير علي. فقال له: إن رئيسنا كسرى كان يختار المال، ورئيس النصارى قيصر كان يختار الجمال، وجاهلية العرب كانت تختار الحسب والنسب، ونبيكم محمد كان يختار الدين. فانظر أنت بأيهم تقتدي

ونبيكم محمد كان يختار الدين




انا بهاذا اقتدي


والله ياشيخ صح كلامك في كل شي قلتله وتسلم والله وجزاك الله الف خير وصج ان الواحد لازم يكون قادر عالزواج بس



بس ياشيخ انت شايفني كلامي فيله شي صح ولا شو اسوي بالظبط


الحين انا لما حكاتلك عن خطيبي تشوفه انه يقدر على الزواج ولا لا ؟؟؟


بصراحه هو راتبه بسيط بس ماعرف ليش انا مافكرت في الماديات ابدا




ياشيخ المعذره بس كيف يكون جاد في وعده وعده لشو ؟؟؟؟

ادري ياشيخ وماقصرت والله

وسمحلي اني طولت عليك


ومشكووووووووور والله عنصايحك ورايك لي ما قصرت والله يزاك الله خير


واللي الله يباه بيقدمه ان شاء الله


والواحد ماعليه الا الصلاه والدعا لرب العالمين وان شاء الله خير


تسلم ياشيخ وجزاك الله الف خير