السلام عليكم ورحمته وبركاته

نحمد الله هذا الترشيح

والذي قد بشرتنا به الخنساء هنا

http://www.hawahome.com/vb/t120413.html (مبروك لبيت حواء بهذه البشارة)

ونود أن نسطر بهذه المناسبة ذكريات مشرفات وعضوات بيت حواء في بدايات تسجيلهم فيه ..


ونبدأ بمشرفاتنا فهذه ذكرياتهن مع المنتدى وبدايتهم فيه.,..,,

الاميرة الحسناء..

السلام عليكم ورحمة الله وبركاته

أسأل الله أن يكون الجميع بخير وعافاكن الله حبيباتي في الله


بالنسبة لــي عندي خربوشة خطرت على بالـــــــــــــــــي ماأنساها

وكل ماذكرتها قلبي يصافق بين ضلوووووووعي لأن وقتها حسيت بالمأساة

وخصوصاً إني جديدة على بيت حواااء وكنت أخاف من هنوووووووووودة [ الله يسلمها ]

الموهم والأهم مرة شوشو والعياذ بالله منه قال إعملي مقلب

ونزلي موضوع ينص على : إن بدر الجنوووووب هذا العضو اللي معكم رجااااااااالــ

مو بنننننننننننت

وأختكم في الله سمعت الكلام ونزلت موضوع بهالخصوص

وترسل لي هنودة أعتقد مدري ردت علي في نفس الموضوع قالت الرجاء الموضوع خطير

ولامجالــ فيه للمزح أو المداعبة !!!

وقتها حسيت إن هندنا شافت رقعة وجهي رغم المسافة اللي بيني وبينها،

طبعا وقتها كل البنات اللي يعرفوني ويأخذون معي ويعطون تجنبوني تقولين قتلت لهم قتيل

أحاول أصحح المعلومة أبي أحد يعطيني وجه وإلا نص وجه

لكن الله المستعان

إستعنت بأخيتي الحبيبة عشوووووووووقة وشكيت لها تعامل البنات

معي وإني قصدي مدااااااااعبة

وقالت عادي البنات خافوا ومن حقهم وأكيد بيرجعون معك مثل أوووووووول

إذا عرفوا الحقيقة !!! وجلست فترة وأنا

في نفسي قلت أستاهل وزين وصل الموضوع للمراقبة ووبس ،،

وش حال مديرتنا الخنساء

الله يطولـ بعمرها لو درت وإلا شمت ريحة كان زماني

في عداد المفقودات ههههههههههههههههههههههه

كنت خايفة من اللون الأحمر ويجيب لي حساسية وماأحاولــ أقرب


منهم رغم معزة أصحابه بقلبي

كنت أخاف من يوم أشووووف إسم هنودة على موضوع لي قلت وااااااااااااااه فشششششلة


موضوعي مكررر وقتها يجيني مغص أشكال وألوان ويبدأ القولون يوريني مواهبه!!!

وماكو يمه إرحميني ههههههههههههههه

لأن هند الله يسعدها ماتدخل على موضوع لبدر الجنوب إلا وأنا

باصمة بالعشرة إنه في خبر كاااااااااااان [[ السموحة هندنا تعبتك معي ]

الموهم هذا درس من دروسي اللي ماأنساها وتعلمت منها حدثت لي مع بيت حواااااااااااااااء


محبتكم التعبآآآآآآآآآآآنة

بدر الجنوووووووووووووووووووووووووووب




أم خالد

السلام عليكم
كنت اول ماسجلت مسجله باسم شعبي عندنا
مايبان هو اسم حرمه او رجال
واتذكر من البنات الخنساء شهد وهند وام افنان ويتيمه من بعد امي
ونسييييييت والله المهم

كنت اكتب معاهم ولااحد يعطيني وجه الكل يظنني ولد خخخخخخ
احس ردودهم علي كانهم يقولون انقلع ياولد

يااااااااااارب احساس مقرف خصوصا اني كنت ام لطفلين
<<<<الحين اربعه ماشاء الله خخخخخخخ

قمت سويت مره فيها ذكيه وسالت في قسم التجميل حتى اثبت اني بنت خخخخخخ

قامت ردت علي الشهد الله يجزاها خير برد قاااااااااسي بكيت يوم قريته خخخخخخخ وجاني اكتئاب يومين
وقلت في نفسي ان ليه اكتب بهالمنتدى اتركه افضل لي

وتركته فتره طوييييييييله بس كان قلبي معاه ههههه

ثم سجلت بمعرفي هذا
والحمد لله مشى حالي





أم افنان


السلام عليكم

ذكرياتي في بيت حواااااء اجمل من ان تصفهااا خربشااات او كلماااات عابره

بيت حواء اول نافذه لي على النت ..واول مكان ابصرته عيني في الشبكه الانترنتيه

وما كنت اعرف حااااجه ابداااا

زوجي علمني كيف ادخل للمنتدى

ولكن اول مرره ارى منتدى ومواضيع وما اعرف كيف اضيف اي حاجه

ارسلت للاداره رساله-- ابغى اشارك واضيف موضوع كيييييييف- ههههههههه

جزاهم الله خير ردوا علي وعلموني الله يبارك فيهم

بدأت اكتب مواضيع وارد

واول المستقبلين لي الحبيبه -هنوووودة-

كانت كلماتها تبث فيني روح التشجيع والمواصله

بعد فترة قصيرره

فاجاتني برساله -نبغاك مشرفه معنااا-

بصرااااحه رساله غير متوقعه ابداااااا -والحمد لله - تمت

وما انسى شهووودة وبصمتها التاريخيه في حياااتي

ارسلت لي رساله
نبغى نتعرف

وتبغى تكلمني على المسن -اقول اختكم ما تعررررررف المسن وشو -هههههههه

ما قصرررت شهوودة نقلتني من الجهل الى العلم خخخخخخخخخخخ

ومعي خطوه بخطوه حتى عرفت ادخل المسن
ولكن ..........

ما زلت انتظر شهوووووده على المسن -للحين شهد مو فاضيه- خخخخخخخخخخخ

الحبيبه الخنساء

اكملت مسيره شهووودة
وكانت اول انسانه اتكلم معها بالمسن

وكانت ترسل الكلام وانا ماني عارفه ايش اسوي

وسالتها بعض الاسئله وما قصرررررت -نورتني-
هذا بالنسبه لمعلماااتي هههههههههههههههه

بالنسبه للعضوااااات
قصص وحكايااا
بهن طاب المقاام ..وصداقتهن تحلي الحياة ..وتجلو عنك الهموم

ومنهن من غابت عناا وانتظر عودتهااا

واخص بالذكر
الغاليه - ام رؤى -والغاليه -الامورة سابقا والان اسمها صمت المرايا-

واخص الغاليه اميرتناا بدوووووره كانت حريصه على السؤال عني فترة غيابي

فاشكررها من كل قلبي

واشكر جميع مشرفاتنا ممن ذكرت او ممن لم اذكررررر

%%تظل صحبتكن شمس تشرق في ليل الظلالالالالالام%%

محبتكن ام افنااااااااان
------------------------------------------



تــــــــابع

*خلود*

السلام عليكم ورحمة الله وبركاته

كيفكم يا بنات...

بالنسبة لي تعرفت على بيت حواء بالصدفة من موقع الردادي..
كنت أيامها احاول في الفوتوشوب ..وكان فيه دورة في منتدى ثاني ...هناك شفت أسماء مصممات بارعات ماشاء الله
ويوم لقيت بيت حواء شفت نفس الأسماء هنا قلت يمكن تشابه ..تابعت المواضيع وتأكدت إنهم نفس البنات ...
وكان المنتدى هاديء وعدد العضوات قليل وتشجعت وتسجلت ...لكن بعد فترة حولت لركن الديكور والأبداع ..
وبدأت اعد مواضيع ومتحمسة حتى جاتني أول رسالة في المنتدى من العزيزة الشهد ترشحني للإشراف..
و بديت معكم ...ومن يومها وأنا ملازمة بيتنا ماشاء الله كبر وكثروا العضوات و إن شاء الله دائما للأفضل..



ديم المحبة


ذكرتوني أول ما وقعت عيني على هذا المنتدى المبارك...




طبعاً أقلب في العم قوقل بكلمة " منتديات" وصادف دخلت منتديات المسك وشوي وشوي



وألقى عيني على" منتديات وشبكة بيت حواء " وقاعدة أقول مافي شيء يجذب و قعدت اشير بالسهم



من فوق لتحت بالمنتدى والا أشوف منتدى تعبير الرؤى وكنت من قبل كان عندي حلم مدري وش تفسيره



قلت طيب شلون أكتبه وارعص على موضوع جديد ::: عفوا انت غير مسجل ::: وأنواع الزعل وقتها ...



قلت لازم أسجل فيه ...



(راعي الحاجة ملحاح )




ماكان عندي خبرة بالمنتديات ،،قلت خليني أتعلم ...




وارعص على تسجيل ويوم سجلت بغيت أسوي احتفال خاص عشان سالفة التسجيل




بعدها ركض لتعبير الرؤى وتطيح عيني على شروط وضع الرؤيا




""" هم بعد شروط خلصنا من التسجيل بدينا بالشروط """




وارعص عليه ::: وأنا أقرأ الشروط ::: قاعدة أقول كل شوي "مقبول الشرط " "مقبول الشرط"...





لما جاء هذا الشرط :::لابد من 10ردود طيب ألحين ما أعرف أرد ولا أدري وش أسوي ...





قلت يا بنت الحلال تعلمي خخخخخخ وأقعد أراقب ردود البنات شلون يردون...





وبديت بالردود العشرة ويوم خلصتها قلنا كلووووووووووووووش ....





وحطينا الرؤيا والحمدلله ... قلت ألحين متى يرد الشيخ ؟؟؟ عاد أختكم مافيها صبر وقاعدة أكتب كل شوي رد





وأتذكر شيء::: قلت خليني أشوف أسلوبه مع الناس شلون وعرفت أنه ما يبي أي أحد يرفع المواضيع ....



ووقتها أسوي هبوط هههههههههههه...





وأقعد أراقبه لما يرد علي ورحمة ربي أن وقتها لاهية بامتحاناتي وبعد ما رد علي






فسر الحلم ببشارة حلللللوة فرحت فيها







وبعد المواقف هذي صار المنتدى ما يفارق عيني عقب ما تعرفت عليه وعلى أخوات حبيتهم




وحبيت أخوتهم وووووووووو...




وحاولت أدخل على منتديات ثانية بس ماقدرت ::: بيت حواء وبس ::::





ومن ضمن ما كنت أنقد على المنتدى ::: ليش المنتدى بياض وبنفسجي :::: ( ياويلي من خنوسة )





هذا ماكان في جعبتي من ذكرى أول دخولي على المنتديات ....




تــــــــــــــــابع

همس الحروف

بيت حوااااااااء كااان هو أول بدااياتي في النت

بعد ما عملت لي برييييييد

احترت بعدين وش اسوي

شفت أعلااان في البريد نفسه شبكة ومنتديات بيت حواء النسائية

على طول رحت له

وعجبني وسجلت فييييييه

بعدها تعلقت فيييييييه كثير وربي

حتى اسجل في منتديات أجلس معهم اسبوع اسبوووعين اخليهم واجي هنا

مع أني مقصره حييل هنا لكن يبقى حبي له كبيير "" ما الحب إلا للحبيب الأولي "" هههههههه

وسلااااااااااامتكم

اخلص اختبااااااااراتي وارجع لكم دعوااااااتكم لم



مراحب

من اكثرمن اربع سنوات تقريبا,,

شبكنا النت في البيت وكان ابو الشباب دايما يلح علي ادخل النت ,,,بس كنت طفشانة ومالي بال عليه


دخلت منتدى لك ,,,,ومنتدى نسيجها ,,,, وعالم حواء ,,,وكنت اتصفح واطلع على طول

لكن لما دخلت منتدى بيت حواء ,,,والله والذي لااله الا هو شدني اليه واخذت اتصفح في اقسامه بداية من المكتبة الى الأستراحة وتعرفت على كل ركن فيه ,,,,,وبذات الأستراحة ,,,, عجبني تعامل الأخوات مع بعض وطريقتهم في الفكاهة واللعب ,,,,,

وجلست كل يوم وثاني اتصفح وأقراء ,,,لغاية ماقررت اني اسجل في المنتدى ,,, ,,,وتوجهت على طول على الهوت ميل وعملت لي اميل ,,,وسجلت في المنتدى وصادفتني مشاكل كثيرررر اثناء التسجيل الى ان فرجها الله ,,,,اذيت الأدارة كل شوي مرسلة شكوى ( والظاهر انا اعيب مني لأني جديدة في عالم النت )

واول موضوع لي كان ترحيب بأصحاب المنتدى بدل من اطلب الترحيب لنفسي لشدة اعجابي به


كانت بدايتي في النت مع بيت حواء وانطلاقا من الأستراحة,,,,, كنا اغلبنا عضوات ماعدا الشهد وهنودة وام البدر واختنا الخنساء

لعب في للعب مع عشوقة وريتاج وام سلطان وليمووونة وبدوية والعنيدة وشهودة وهنودة وغيرهم

وياسلااااااااااااااااااااااااااام على ذيك الأيام ,,,

من المواقف الظريفة ,,,,حبيت احط موضوع في قسم الجمال والأناقة عن مكياج للعيون مع الصور ,,,,وعلى طول مراحب ماصدقت خبر ,,خذت المجلة اللي عندي وقصصت الصور ودخلها في السكنر

وحط موضوع وكتب العنوان وسوي نسخ ولصق ( هدف خارج المرمى ) طبعا ماطلع الموضوع ( ماتدري ان السالفة طويلة وعريضة وفيها تحميل )

شهووودة ماقصرت رفعت معنوياتي وقالت خيرها بغيرها ,,,,وحذفت الموضوع


واذيت هنودة بطلباتي واستفساراتي الكثيررة ,,,لأاعجابي بتصاميمها وتواقيعها للعضوات ,,,بعدها قررت اخذ دورة في البرامج وبالفعل اخذت في الفتوشوب والفرونتو بيج والسويش ( ماتبغى تكون ضايعة في الطوشة )


ومرة كتبت موضوع في القسم العام وطلبت من العضوات انهم يرتبون مشاركاتهم ويضعون كل موضوع في قسمه الخاص تعاونا مع المشرفات ,,,,,
وردوعلي بشكر من العضوات والمشرفات ,,,,بعدها ارسلت لي الشهد وقالت مبروووك تم تعينك مشرفة على قسم العام ( من غير احم ولادستور ) تفاجئت وفرحت ,,,,
ومن الأستراحة صرنا مشرفات ,,,,,,,

كل مواقفي ولله الحمد والمنة في هذالبيت العامر تعج بالذكرى الطيبة مع عضواته ومشرفاته ,,,,تعلمت منه الكثيررررر واستفدت اكثرررررر

كان عندي فضول اتعرف على هنودة وشهودة وعشوقة عن قرب ,,, والحمد الله تم ذلك عن طريق المسنجر اللي حملته من المنتدى بمساعدة هنووودة ( تخاف من المسنجر وماتعرفه له )



طبعا كنت ارى في اختنا الخنساء مثال للقدوة الصالحة وفي نفس الوقت كنت احس حولينها خطوط حمراء تمنع الفضولين مثل حلاتي من تعديها او الاقتراب اليها

مهما بعدت وتجولت خارج بيت حواء فاني اشعر بالضياع حتى اعود اليه


احبكم في الله جميعا



khat2000

قبل مااسجل في المنتدى كنت مسجلة في منتدى تاني وكنت اعرف بعض العضوات منه الي هما الشهد وروائع وغريبة الروح ومن مده ماسرت الاقيهم فيه
فيوم من الايام قررت البحث عنهم ههههههههه زي هنودة
كانت معي هند في الماسنجر وسألتها عن الاخوات الشهد وروائع اني ماسرت الاقيهم في المنتدى فذكرتلي انهم مسجلين في منتدى بيت حواء وقالت
أغلب الاخوات الي تعرفينهم ومن ضمنهم الخنساء مسجلين في بيت حواء
فقلت لها اعطيني رابط المنتدى بسرعه وكنت مرررررره متحمسه للتسجيل لاني لقيت الحبايب ههه
المهم اعطتني الرابط وسجلت وكان اول موضوع تكتبه الشهد وهو ترحيب فيني
وبعدها بأسبوع على مااذكر سرت مصممة بيت حواء بترشيح من شهودة الله يسعدها
وثم مشرفة لركن الكمبيوتر والفوتوشوب وانا مالي الا شهر مسجلة

ذكريات مرررررررره حلوة ماانساها

همسة احساس

السلام عليكم ورحمة الله وبركاته

عندي خربشات كثيرة ... كل وحده أحلى وأغلى من الثانية ماشاء الله تبارك الله


وأول خربشاتي وأحلاها صراحة في بيت حواء كانت مع

أميرتنا الحســـــ أميرة بيت حواء وقلبه الصافي ــناء ...

وفي كم خربوشة مع الغالية

جوهـــــــ فراشة بيت حواءوقلبه النابض ـــرة العطاء ...


وأتذكر خربوشة كتبتها لكم من كل قلبي عندما توقف المنتدى فترة لأسباب فنية وتواجد الدعم الفني

http://www.hawahome.com/vb/t65559.html (رسالة إلى إدارة بيت حواء ... المحترمين)


أحلى خربوشة عندي مع غاليتي

الخنـــــــــ روح بيت حواء الغالية ــــساء

عندما أفتتح قسم الأسهم وكان في تلك الأيام موجود شريط الإهداء وكان في الصباح الباكر فصبحت على المتواجدين

وأهنيء الجميع على إفتتاح منتديات الأسهم

ومافي وقت بسيط إلا أجد رسالة على الخاص من غاليتنا الخنساء وعنوانها ممتاز وأفتحها

واجد إنها تطلب مني أن أكون مساعدة للغالية ضيء المهنا في قسم الأسهم

وأطير من الفرحة ساعتها لأنه سيكون لي شرف الإنضمام لهذه الكوكبة الرائعة والفريدة

ماشاء الله الأيام تمر بسرعة ... باقي شهرين ويكون قد مرت سنه على إفتتاح منتديات الأسهم

وإنه ليسعدني بل يشرفني أن أكون من أوائل من أسس منتديات الأسهم في منتداي الغالي بيت حواء

والخربوشة الثانية

الشرف الكبير لي عندما أختارتني ورشحتني

الشــــــــ لؤلؤة بيت حواء الغالية ــــــهد

لكي أجمع رسائل الجوال الخاصة ببباقة بيتك وهذه أعتبرها شخصياً وسام شرف لي لأن أحظى بهذه الثقة الغالية من إدارتي

الفاضلة وشهودتنا الغالية


وإن شاء الله أكون عند حسن ظنكم بي وأكون مثل ما تتوقعون وأكثر




والان يسرنا أخواتي أن نقرأ ذكرياتكم مع بداياتكم في منتدى بيت حواء .. أو أي ذكريات أخرى لاتزال في ذاكرتكم ..

رائع جدا اختي الشهد مابقي الا اصيح

اعجبتني عبارات المشرفات التي سطرتي بها الموضوع

وجزاك الله خيرا

ويسعدني ان اكون اول من تسطر ذكرياتها من بعدكم :



ماسبق لي ان شارك او سجلت بأي منتدى قبل بيت حواء - ماادري والله كيف طحت عليه

كنت من بعد ماسويت ايميلي الخاص افكر اني اشترك بمنتدى واحبه واخلص عشانه وكنت مااحب يكون فيه رجال بس للأسف طولت ومالقيت ...

لحد ماجاء اليوم Jan 2007 >> اهم شي التوثيق التاريخي

كنت ارعص في جوجل لأني ادور مواضيع خاصة بنشرة لي

ولقيتها في بيت حواء لكن كان يتطلب التسجيل فسجلت .... ولأول مرة في حياتي وكان شعوري وقتها شي

ولما اخذت مبتغاي قلت مابغى اطلع منه بعد ماسجلت على الفاضي فقمت افرفر بين الأقسام واتفرج بحكم اني عضوة >>> مين قدي

وما اكذبكم اني وقتها سعدت و اعجبني المنتدى بشكل كبير وبديت اعرف اشارك واكتب مواضيع

وكانت فرحتي اكبر لما الاقي التشجيع في مواضيعي فأتحمس أكثر .....

وعرفت أخوات كثير وحبيتهم وصرنا نسأل عن بعض

والحين همي الأكبر اني اخدمه بعيوني ونشر الخير من خلاله والبحث عن الأجر

وراح يبقى بيت حواء حبي الأول والأخير



.... كتب بواسطة : توته

السلام عليكم ورحمة الله وبركاته

جزاك الله خير ياالشهد على تسطير ذكريات المشرفااات

الصرااحة من جد ذكريااات لا تنسى ورائعة .....

والحقيقة شبكة بيت حواء اعتبره موقع فريد من نوعه وخصوصا انه خاص بالنساء ومنتدى محترم جدا

وحتى العضوات ولله الحمد قلوبهم على بعض الله يديمها من نعمة .....

أما أنا في الحقيقة لم يدلني أحد على المنتدى ...

مجرد كنت أكتب في محرك البحث

(منتديات نسائية) لأني لا أرغب في المنتديات المختلطة ولا أحب المشاركة فيها ..

المهم وطلع لي منتديات كثيره واشتركت في أكثر من واحد

لكن الحقيقه ما ارتحت إلا في شبكة بيت حواء ولم أكتب مواضيع في غيره ...

ما أدري ليش شبكة حواء بالذات ...

لكن هذا الموقع الذي أجد نفسي فيه ...

وأحببت فيه أخوات لي في الله ....

الله يجمعنا وإياكم في مستقر رحمته على سرر متقابلين ..

والسلام عليكم ورحمة الله وبركاته ..

السلام عليكم ورحمة الله وبركاته


رائع ماسطرته اناملكم من ذكريات

اما عني ماكنت اعرف شيء في النت سوى اني ادخل على موقع اناشيد واحمل واخرج


وفي ايام التوجيهي كانوا يطلبوا مننا بحوووث وطبعا بدات عمليات البحث في النت وظهر اسم بيت حواء من بين المتواجدووون خخخخ

فدخلت فيه وسجلت على طوول بدوون اي نقاش

وطبعا في البداية كانت اغلب مواضيعي طلبات

والمشرفات الله يعطيهم العافية ماقصروا امثال

ضي المهنا


جوهرة العطاء

وفي عضوة اسمها عاشقة الجنان


وبعد كذا بدات اغووص في اعماق البحر >>>>حلو التشبيه


وعجبني حييييل

مواضيع هادفة

واخلاق عالية


وبكذا كان بيت حواء اول منتدى اسجل فيه وباذن الله لن اتركه


وطبعا كل الشكر للمشرفات والعضوات اللي وقفوا معي واعتبرهم مثل خواتي

الشهد >>>تعبتها بطلباتي


جوهرة العطاء>>>تعاونها معي

ضي المهنا >>مساعدتي في كثير من طلباتي وخصوصا بحوث ومطويات


والاميرة الحسناء وام نوونا والكل بدوووووووووون استثناء

ولايهوونوا الباقييين


الف شكر لهم من الاعمااق

ياروعة الذكريات

انا بالنسبه لي مالي الا اربع شهور تقريبا مع هذا البيت المتميز

وبصراحه سجلت فيه وانا كانت ادمعي تصب لاني اغتربت وبعدت عن اهلي

فلما اتذكر تسجلي هنا في بيت حوا افرح لاني عرفته وتعرفت عليكم

واحزن لاني سجلت وانا ابكي

حتى قاعده اختار اسم لي كل ما اسجل يكتب موجود الاسم او عباره اخرى تدل انه موجود من قبل

فطفشت وعصبت وعلى طول سميت نفسي بالولايه الي انا فيها

وغيرته الى اسمي هذا

وبصراحه سعدت به حتى انساني طعم فراق اهلي المر

ومنه تعرفت على ونيسه لي في غربتي ( ريمااار ) الله يسعدها


وبصراحه مدتي قليله ماله داعي اكتب ذكريات بس تعرفون الأخت ملقوفه ,,

وسلامتكم

السلام عليكم ورحمة الله وبركاته...


نشكر أختنا الشهد على تسطير هذه الذكريات الرائعة والتي تبقى مابقي المنتدى ..


بداياتي في هذا البيت كانت رائعة فقد كنت ابحث عن منتدى ليس فيه اختلاط ويكون نسائي بحت والأهم ان يكون

إسلامي ولا يكون متحرراً .. ومن القوقل دخلت عليه وبمجرد ان قرأت مواضيع لأختنا الخنساء ولعاشقة الجنة شعرت

بالأرتياح خاصة أن اسمائهما كانت اسلامية.. ومنذ أن سجلت فيه وأنا اشعر بالحب والراحةلهذا البيت ..




أسأل الله الكريم بأسمائه الحسنى وصفاته العلى أن يديم المحبة والألفة بين اعضائه ومشرفاته ،وأن يجمعنا على

خير دائما ،وأن تجتمع معا في الجنة كما اجتمعنا هنا في هذه الدنيا ....


أختكم المحبة لكن فى الله / شـــــــــــــــــــــــــعاع